ក្នុងកិច្ចប្រជុំពេញអង្គគណៈរដ្ឋមន្ដ្រី មានរបៀបវារៈចំនួន ៣ដែលត្រូវលើកយកមកពិភាក្សា
ភ្នំពេញ ៖ កិច្ចប្រជុំពេញអង្គគណៈរដ្ឋមន្ដ្រី វេលាម៉ោង៨និង៣០នាទីព្រឹក ថ្ងៃទី២២ ខែកុម្ភៈ ឆ្នាំ២០១២ នៅវិមានសន្ដិភាព ឋិតក្រោមអធិបតីភាពដ៏ខ្ពង់ខ្ពស់ពីសំណាក់ លោកនាយករដ្ឋមន្ត្រី ហ៊ុន សែន។
របៀបវារៈមានចំនួន៣ដែលត្រូវលើកយកមកពិភាក្សាក្នុងអង្គប្រជុំ មានដូចខាងក្រោម ៖
១-សេចក្ដីព្រាងច្បាប់ ស្ដីពីសហគមន៍កសិកម្ម។
២-សេចក្ដីព្រាងអនុក្រឹត្យ ស្ដីពីបែបបទ និងនីតិវិធីនៃការដាក់ឈ្មោះផ្លូវ ឬលេខផ្លូវ និងការកែប្រែឈ្មោះផ្លូវ ឬលេខផ្លូវ ។
៣-បញ្ហាផ្សេងៗ ៖ សំណើសុំការយល់ព្រមពីគណៈរដ្ឋមន្ដ្រី ដើម្បីសុំសច្ចាប័នពីស្ថាប័ននីតិប្បញ្ញត្ដិលើ ៖
៣.១-កិច្ចព្រមព្រៀងស្ដីពីការដឹក ជញ្ជូនផ្លូវសមុទ្រ រវាងរដ្ឋាភិបាលនៃប្រទេសជាសមាជិកអាស៊ាន និងរដ្ឋាភិ បាលនៃសាធារណរដ្ឋប្រជាមានិតចិន ។
៣.២-កិច្ចព្រមព្រៀងក្របខ័ណ្ឌអាស៊ាន ស្ដីពីការសម្រួលការដឹកជញ្ជូនអន្ដររដ្ឋ ។
៣.៣-ពិធីសារទី៦ ស្ដីពីព្រំដែនផ្លូវដែក និងស្ថានីយ៍ប្ដូរខ្សែរថភ្លើងសម្រាប់ការអនុវត្ដកិច្ចព្រមព្រៀង ក្របខ័ណ្ឌ អាស៊ាន ស្ដីពីការសម្រួលទំនិញឆ្លងកាត់ ៕
