អាជ្ញាធរថៃកំពុងស្វែងរកចាប់ខ្លួនជនដែលបានចាប់ជំរិត និងធ្វើទារុណកម្មក្មេងស្រីជនជាតិ Karen ម្នាក់
អាជ្ញាធរ ថៃកំពុងតែផ្សព្វផ្សាយផ្តល់ប្រាក់រង្វាន់ច្រើនជាងបីពាន់ដុល្លា រសហ រដ្ឋអាម៉េរិកជារង្វាន់សម្រាប់ជាតម្រុយដែលនាំទៅដល់ការចាប់ខ្លួនជនបី្ដ ប្រពន្ធ មួយគូដែលត្រូវបានគេប្តឹងពីបទចាប់ជំរិត និងធ្វើទារុណកម្មលើក្មេងស្រីជនជាតិ Karen ម្នាក់។
របាយការណ៍ពីកាសែត បាងកកបានឲ្យដឹងថាជនជាប់ចោទ២នាក់នោះបានទទួលការដោះលែងឲ្យនៅ ក្រៅឃុំដោយការបង់ធានាប្រាក់កាលពីថ្ងៃព្រហស្បតិ៍នៅសប្តាហ៍មុន ហើយអ្នកទាំងពីរត្រូវមកបង្ហាញខ្លួនដើម្បីធ្វើការសាកសួរបន្ថែម នៅប៉ុស្តិ៍ប៉ូលិសកាលពីម្សិលមិញ។
អ្នក ទាំងនោះជាប់បទចោទប្រកាន់ពីបទចាប់ជំរិតក្មេងស្រី នៅពេលដែលនាងមានអាយុ ៧ឆ្នាំ ហើយបានឃុំក្មេងស្រីនោះទុកក្នុងផ្ទះរបស់ពួកគេនៅក្នុងភាគខាង ជើងប្រទេសថៃ។
ក្មេង ស្រីនោះបានប្រាប់ប៉ូលិសថានាងត្រូវបានគេធ្វើបាបលើរាងកាយ ហើយមានពេលខ្លះបានទុកនាងនៅក្នុងទ្រុងសម្រាប់ដាក់ឆ្កែ និងស្រោចទឹកក្តៅលើនាង។
របាយ ការណ៍ពីកាសែតបាងកកបានឲ្យដឹងទៀតថាអ្នកទាំងនោះនឹងប្រឈមមុខលើ ការចោទប្រកាន់មួយចំនួនរួមមាន ទោសធ្វើទារុណកម្ម និងការជួញដូរកុមារ៕ (Radio Australia)
