នគរបាល ខណ្ឌសែនសុខ បង្ហាញមុខក្រុមចោរឆក់ប្លន់ ដ៏សកម្ម
ភ្នំពេញ៖ កាលពីព្រឹកថ្ងៃទី១៩ ខែកុម្ភៈ ឆ្នាំ២០១៣ នគរបាល ខណ្ឌសែនសុខ បានធ្វើសន្និសីទកាសែត បង្ហាញមុខមាត់ ក្រុមជនសង្ស័យ ស្រី.ប្រុស ចំនួន០៧នាក់ ក្នុងនោះមាន០៤នាក់ ជាមុខសញ្ញា ឆក់ប្លន់ ដ៍សកម្មនិង មានដីការស្វែងចាប់ខ្លួនពីសាលា ដំបូងរាជធានីផងដែរ ។
លោកអធិការ ម៉ក់ ហុង បញ្ជាក់ថា កាលពីវេលាម៉ោង១២និង១០នាទី រំលោងអាធ្រាត ឈានចូលថ្ងៃទី១៨ ខែកុម្ភៈ ឆ្នាំ២០១៣ មានអំពើរប្លន់មួយ បានកើតឡើងនៅមុខវត្ដទឹកថ្លា ស្ថិតនៅសង្កាត់ទឹកថ្លា ដោយជនសង្ស័យមួយ ក្រុមប្រើកង់ជាធ្នាក់រុញ ចូលម៉ូតូជនរងគ្រោះ ឲ្យ ដួលទើបពួកគេយកដុំថ្ម និងខ្សែក្រវ៉ាត់វាយសន្លប់់ដើម្បីប្លន់យកម៉ូតូពីជនរងគ្រោះ ប៉ុន្ដែត្រូវកំលាំងអន្តរាគមន៍ របស់នគរបាលខណ្ឌ តាមទាន់ ហើយដេញចាប់ ប្រផាប់ប្រភីង ពេញមួយយប់ ទើបចាប់បានក្រុមប្លន់ដ៍សកម្មនេះ បានចំនួន០៣នាក់ ។
ក្រោយការសាកសួរជនទាំង០៣ នៅវេលាម៉ោង១១ថ្ងៃត្រង់ សមត្ថ កិច្ចរបស់លោក ឈានទៅស្រាវចាប់បានបក្ខពួក ក្រុមនេះ០៤នាក់ទៀត ដែលខ្លះជាប់ពាក់ ព័ន្ធនិងការផ្ដល់ទីតាំង ឲ្យក្រុមចោរស្នាក់នៅ ខ្លះជាមុខសញ្ញាចែកចាយ និងសេពថ្នាំ ញៀន ដោយមានទាំងស្ដ្រីម្នាក់ផង ។ ទីតាំងដែលសមត្ថកិច្ចស្រាវ ចាប់បានក្រុមនេះគឺនៅ ក្នុងបន្ទប់ជួលស្ថិត ក្នុងភូមិទឹកថ្លា សង្កាត់ទឹកថ្លា ដោយធ្វើការដកហួតបានថ្នាំញៀននិង សម្ភារៈសម្រាប់ជក់មួយចំនួន ទូរសព្ទ័ដៃ មួយគ្រឿង។
ទាំវត្ថុតាង និងជនក្រុមជនដៃដល់ ទាំង០៧នាក់ នេះសមត្ថកិច្ចនគរបាល ខណ្ឌសែនសុខ កំពុងកសាងសំណុំរឿងបញ្ជូន ទៅសាលាដំបូងរាជធានីភ្នំពេញ ដើម្បីផ្ដន្ទាទោសតាម ច្បាប់ ៕ ហេង នាង
