ហ៊ីយ៉ាន់ដាយ រេចង្កូត បុករថយន្ត ដឹកកម្មករ របួសធ្ងន់ ស្រាល ជិត៤០នាក់
ភ្នំពេញ៖ កាលពីវេលាម៉ោង ៦៖៣០នាទី ព្រឹកថ្ងៃទី១៣ ខែកុម្ភៈនេះ រថយន្ត ហ៊ីយ៉ាន់ដាយ ប្រភេទដឹកដី មួយគ្រឿង បានរេចង្កូត បុករថយន្តកូរ៉េ ដឹកកម្មករ កម្មការិនី តាមផ្លូវ ជាតិលេខ៣ ក្នុងសង្កាត់ក្រាំងពង្រ ខណ្ឌដង្កោ បណ្តាលឲ្យកម្មករ កម្មការិនី និងអ្នកបើករថយន្ត រងរបួសធ្ងន់ស្រាលជិត៤០នាក់ ។
សេក្តីរាយការណ៍ ពីសមត្ថកិច្ច នៅកន្លែង កើតហេតុ បានឲ្យដឹងថា មុនពេលកើតហេតុ មានរថយន្តដឹកដី ប្រភេទហ៊ីយ៉ាន់ដាយ មួយគ្រឿង ដែលជារថយន្ត ដឹកដី បានបើកក្នុងទិសដៅ ពីជើងទៅត្បូង ដល់មកដល់ ចំណុចកើតហេតុ ទល់មុខរោងចក្រ ទឹកថ្លា ស្រាប់តែរេចង្កូត បុករថយន្តកូរ៉េ ដឹកកម្មករ កម្មការិនី ដែលកំពុងជិះ ទៅធ្វើការ បណ្តាលឲ្យកម្មករ កម្មការិនី បាក់ដៃ បាក់ជើង និងអ្នកបើករថយន្ត គាប់ជាប់នៅ ក្នុងកាប៊ីន តែត្រូវបានសមត្ថកិច្ច ជួយសង្គ្រោះទាន់។ ហេង នាង
