កែង ស្រីនាង ទទួលបានតំណែងតួឯកក្នុងខ្សែរឿងថ្មី
បន្ទាប់ពីទើបតែបានបញ្ចប់ការសម្តែងខ្សែរឿង«តើអ្នក ធ្លាប់ស្រឡាញ់ខ្ញុំទេ» ដែលដឹកនាំដោយផលិតករជនជាតិម៉ាឡេស៊ី មិនទាំងបានប៉ុន្មានផងនោះ ស្រាប់តែតារាសម្តែងមុខស្រស់នាង កែវ ស្រីនាង ត្រូវបានប្រភពក្នុងចង្កោមអ្នកសិល្បះដូចគ្នាបានទម្លាយឲ្យដឹងថា តារារូបនេះបានជាប់តំណែងតួឯកជាថ្មីក្នុងផលិតកម្មបរទេសដូចខាង លើនេះដដែល។
ប្រភពដដែលបានអះអាងថា តារាសម្ដែងល្បីល្បាញនាងកែវ ស្រីនាង បានទទួលតំណែងជាតួឯកក្នុងខ្សែរឿងថ្មី ដែលខ្សែរឿងនោះ គឺជាប្រភេទរឿងដឹកនាំដោយផលិតករបរទេសដូចគ្នានឹង ខ្សែរឿង«តើអ្នកធ្លាប់ស្រឡាញ់ខ្ញុំទេ»របស់ផលិតករម៉ា ឡេស៊ីនោះដែរ។ ប្រភពនោះព្រលយថា តាមគម្រោងខ្សែរឿងដែលតារាសម្តែងកូនពីររូបនេះនឹងត្រៀមសម្តែង នោះ នឹងធ្វើការវាយលុកនៅទីផ្សារក្រៅប្រទេសទៀតផង ក្នុងនោះមានទ្វីបអ៊ឺរ៉ុប និងអាមេរិក។
ចំពោះខ្សែ រឿងថ្មីនោះនៅមិនទាន់មានប្រភពណាអាចបញ្ជាក់ពីចំណងជើង និងមិនទាន់ដឹងថា ចេញថតនៅពេលណាឲ្យប្រាកដនៅឡើយ ប៉ុន្តែតារាខ្មែរមួយចំនួនបានប្រជែងគ្នាចូលសម្ភាសន៍ដើម្បី បានចូលថតក្នុងខ្សែរឿងនេះ ហើយពួកគេទាំងនោះសុទ្ធតែដឹងហើយថា តំណែងតួឯកស្រីគឺបានទៅលើនាងកែវ ស្រីនាង។
គេ នៅមិនទាន់ដឹងថា តារាសម្តែង នាងកែវ ស្រីនាង ត្រូវបានម្ចាស់ផលិតកម្មឲ្យសម្ដែងជាតួលក្ខណៈ បែបដូចម្ដេចនៅឡើយទេ ដោយគ្រាន់តែដឹងថា នាងបានទទួលការពិភាក្សាដើម្បីឲ្យចេញសម្ដែងក្នុងខ្សែ រឿងថ្មីនោះ រួចរាល់ហើយក្នុងតំណែងជាតួឯកស្រី ដែលដំណើរការចេញថត នឹងប្រតិបត្តិការណ៍នៅអំឡុងមុនចូលឆ្នាំខ្មែរ។
ប្រភពខាងលើក៍បានឲ្យដឹងផងដែរថា ខ្សែរឿងដែលកែវ ស្រីនាង នឹងត្រៀមខ្លួនក្នុងការសម្តែងនេះ ដឹកនាំដោយផលិតករមកពីអ៊ឺរ៉ុប ដោយក្នុងនោះ ក៏មានផលិតករមកពីផលិតកម្មហូលីវូដរបស់អាមេរិកចូល រួមផងដែរ។ គោលបំណងក្នុងការផលិតខ្សែរឿងនេះ គឺដើម្បីជ្រើសយកតារាខ្មែរ ដែលមានស្នាដៃមករំលេចខ្សែរឿងមួយ ដែលនិយាយពីបញ្ហាពាក់ព័ន្ធនឹងសង្គមខ្មែរ ក៏ដូចជាក្នុងសង្គមអាស៊ីទាំងមូល។ខ្សែរឿងនេះទំនងជា ត្រូវការតួខ្មែរមិនជាច្រើនប៉ុន្មានឡើយ ដោយសារតែក្នុងពេលសម្ភាសន៍ខាងផលិតករអ៊ឺរ៉ុបបានបង្ហាញ យ៉ាងច្បាស់ថាក្រុមហ៊ុនក៏មានបញ្ជូលតួសម្ដែងរបស់ ខ្លួនមួយចំនួនឲ្យចូលរួមផងដែរនោះ។
គេរំពឹងទុកថា ប្រសិនបើតំណែងតួឯកនេះពិតជាបានធ្លាក់ក្នុងដៃកែវ ស្រីនាង ប្រាកដមែននោះ មានន័យថា តារាសម្តែងរូបនេះនឹងឈានមួយកម្រិតទៀតក្នុងដំណើរលើវិថីសិល្បះ ដ៍ជោគជ័យរបស់នាង។ កែវ ស្រីនាង ដ្បិតថាមិនសូវចេញមុខ និងជាខ្លាញីចាស់ក៏ពិតមែន ប៉ុន្តែគ្រប់ពេលដែលនាងចេញថតរឿង គឺមិនមានខ្សែរឿងណាមួយដែលនាងចេញថតហើយមិនទទួលជោគ ជ័យនោះឡើយ។
កែវ ស្រីនាង ជាតារាសម្តែងមួយរូបដែលមានការគាំទ្រច្រើនពី ទស្សនិកជនតាមរយៈ ខ្សែភាពយន្តភាគទូរទស្សន៍។ នាងភាគច្រើនលេចមុខតែតាមខ្សែភាពយន្ត និងឈុតខារ៉ាអូខេប៉ុណ្ណោះ ចំណែកតំណែងពិធីការិនី និងចម្រៀងមិនធ្លាប់ឃើញតារាស្រីរូបនេះចេញមុខឡើយ។ ជាទូទៅតារាសម្តែងរូបនេះមិនសូវនិយាយស្តីអ្វីច្រើន នោះទេ ដូច្នេះហើយទើបបានមានអ្នកខ្លះលើកឡើងថា កែវ ស្រីនាង ហាក់ដូចឆ្មើងឆ្មៃ និងមិនសូវនិយាយច្រើនជាមួយអ្នកដទៃ។ នាង ត្រូវបានមហាជនស្គាល់ច្រើនតាមរយៈខ្សែភាពយន្តភាគអប់រំ រឿង “ទណ្ឌកម្មស្នេហា”កាលពីឆ្នាំ២០០៣។ តារាស្រីដែលមានវត្តមានក្នុងដំណែងតួឯកជានិច្ចនេះបាន ផ្អាកពីសិល្បៈអស់ពេលជាង៣ឆ្នាំ បន្ទាប់ពីបានរៀបអាពាហ៍ពិពាហ៍ជាមួយស្វាមីអ្នកជំនួញជន ជាតិអង់គ្លេស។ បន្ទាប់មកក៏បានហក់ចូលសិល្បៈវិញហើយរឹតតែមានប្រជា ប្រិយភាពខ្លាំងជាងមុនតាមរយៈខ្សែភាពយន្តភាគឲ្យទូរទ ស្សន៍បាយ័ន និងស៊ីធីអិន៕
ដោយ៖ ស.រ