ចៅក្រមម្នាក់នៅឥណ្ឌូណេស៊ីកំប្លែងមិនសមកាលៈទេសៈអាចប្រឈមមុខនឹងការបាត់បង់ការងារ
ចៅក្រមម្នាក់នៅប្រទេសឥណ្ឌូណេស៊ី ប្រឈមមុខនឹងការបាត់បង់មុខតំណែង ការ ងារ របស់ខ្លួនដោយបានបំពានក្រមសីលធម៌ក្នុងវិជ្ជាជីវៈ ពីព្រោះលោកបាននិយាយកំប្លែងហើយធ្វើឲ្យប៉ះពាល់ដល់គុណតម្លៃរបស់ ស្រ្តី។
នៅក្នុងការធ្វើ សម្ភាសន៍មួយដើម្បីពិនិត្យលើសមត្ថភាពសម្រាប់ តំណែងនៅក្នុងតុលាការកំពូល លោកចៅក្រម Muhammad Daming Sanusi បានប្រើប្រាស់សម្ដីឆ្គាំឆ្គងដែលនាំឲ្យមានការប៉ះពាល់។ ឆ្លើយទៅនឹងសំណួរដែលសួរថា តើជនមានកំហុសក្នុងបទល្មើសចាប់រំលោភគួរតែទទួលទោសប្រហារជីវិត ឬយ៉ាងណានោះ លោកបានឆ្លើយថាលោកមិនគិតដូច្នោះទេដោយសារតែជនរង គ្រោះបានទទួល រម្មណ៍រីករាយនៅពេលគេចាប់រំលោភ។ រួចហើយលោកបានសុំទោសថា លោកនិយាយកំប្លែងទេ ប៉ុន្តែមិនមានការផ្ទុះសំណើចច្រើនទេ។
បន្ទាប់ពីស្នងការយុត្តិធម៌បានធ្វើអនុសាសន៍បញ្ឈប់ការងាររបស់ចៅក្រមរូប នេះមកនោះ នឹងមានការប្រជុំមួយដើម្បីសម្រេចជោគវាសនារបស់លោក៕ (Radio Australia)