អ្នកវិទ្យាសាស្រ្តអូស្រ្តាលីធ្វើការសិក្សាលើបញ្ហាប្រឈមនៃការចោលសំរាមផ្លាស្ទីកទៅក្នុងសមុទ្រ
ក្រុមអ្នកស្រាវជ្រាវនៅប្រទេស អូស្រ្តាលី និយាយថាសំរាមជាតិ ផ្លាស្ទីកដែលហូរចោលទៅក្នុងមហាសមុទ្រ ប៉ាស៊ីហ្វិក នឹងមិនងាយសាបសូន្យឡើយ យ៉ាងតិចក៏៥០០ឆ្នាំដែរ។
លោក បណ្ឌិត Erik Van Sebelle ជាប្រធានដឹកនាំក្រុមស្រាវជ្រាវប្រចាំអង្គភាពជំនាញផ្នែក វិទ្យាសាស្រ្តប្រព័ន្ធអាកាសធាតុនៃក្រុមប្រឹក្សាដើម្បីការស្រាវ ជ្រាវរបស់ប្រទេសអូស្រ្តាលី (Australian Research Council Centre of Excellence for Climate System Science) ។ លោកកំពុងតែពិនិត្យមើលសំរាមផ្លាស្ទីកដែលកំពុងអណ្ដែតក្នុងចរន្ត ទឹកសមុទ្រកួចវិលវល់។
លោកមានប្រសាសន៍ថា លទ្ធផលនៃការស្រាវបង្ហាញថា សំរាមផ្លាស្ទីកមិនងាយប្រមូលផ្ដុំគ្នាឡើយដោយសារសំរាមផ្លាស្ទីក បានបែកជាកម្ទេចៗតូចដែលមិនអាចមើលឃើញនឹងភ្នែកដោយងាយ ហើយគេមានការលំបាកក្រៃលែងក្នុងការប្រមែប្រមូលសំរាមផ្លាស្ទីក ទាំងនោះ៕(Radio Australia)