រដ្ឋមន្ត្រីក្រសួងមហាផ្ទៃបញ្ជាមិនឲ្យប៉ូលិសប្រើអាវុធពេលចុះបង្ក្រាបអ្នកតវ៉ា
នៅថ្ងៃទី២១ កុម្ភៈ ២០១២ លោក ស ខេង រដ្ឋមន្ត្រីក្រសួងមហាផ្ទៃ បានសំដែងការព្រួយបារម្ភអំពីការកើនឡើងនូវអំពើហិង្សាបាញ់បង្ក្រាបទៅលើក្រុមបាតុករ និងអ្នកតវ៉ាបញ្ហាផ្សេងៗ ដែលចេះតែកើតមានជាបន្តបន្ទាប់រយៈពេលកន្លងមក។
មិនតែប៉ុណ្ណោះលោកបានបញ្ជាឲ្យស្នងការនគរបាលនៅទូទាំងប្រទេសកម្ពុជា និងអគ្គស្នងការនគរបាលជាតិ មិនអនុញ្ញាតឲ្យកងកម្លាំងនគរបាលជាតិប្រើប្រាស់អាវុធនៅពេលដែលចុះទៅបង្ក្រាបកម្មកររោងចក្រ និងប្រជាពលរដ្ឋតវ៉ាទាមទារដីនោះទេ។
បទបញ្ជានេះបានធ្វើឡើងដោយផ្ទាល់មាត់នៅថ្ងៃទី២១ កុម្ភៈ ២០១២ ចំពោះមុខអភិបាលខេត្តនានា ស្នងការនគរបាលខេត្ត និងអគ្គស្នងការនគរបាលជាតិ លោកនាយឧត្ដមសេនីយ៍ នេត សាវឿន នៅក្នុងសន្និបាតបូកសរុបស្ថានការណ៍សន្តិសុខឆ្នាំ២០១១ និងលើកទិសដៅសំរាប់ឆ្នាំ២០១២ នៅឯក្រសួងមហាផ្ទៃ៕