រាជរដ្ឋាភិបាល អំពាវនាវឱ្យពលរដ្ឋយកចិត្ដទុកដាក់បញ្ហាអគ្គិភ័យ
ភ្នំពេញ ៖ នៅព្រឹកថ្ងៃទី១៤ មករា ២០១៣ ក្នុងឱកាសអញ្ជើញជាអធិបតីដ៏ខ្ពង់ខ្ពស់ប្រគល់ សញ្ញាបត្រដល់និស្សិតសាកលវិទ្យាល័យ បញ្ញាសាស្ដ្រ នៅវិទ្យាស្ថានជាតិអប់រំ លោក នាយករដ្ឋមន្ដ្រី ហ៊ុន សែន បានអំពាវនាវឱ្យ ប្រជាពលរដ្ឋទូទាំងប្រទេសមេត្ដាយកចិត្ដ ទុកដាក់ខ្ពស់ទៅលើបញ្ហាអគ្គិភ័យ ដែលបានកើតឡើងផ្ទួនក្នុងរយៈ ពេលប៉ុន្មានសបា្ដហ៍ចុងក្រោយនេះ ។
លោក ហ៊ុន សែន បានមានប្រសាសន៍ថា បើគ្មានការប្រុងប្រយ័ត្នពីសាមីគ្រួសារ ជាម្ចាស់ផ្ទះទេនោះ យើងមិនអាចដោះ ស្រាយបញ្ហាបានឡើយ ដូច្នេះសូមប្រជា ពលរដ្ឋទាំងអស់កុំអាងទៅលើការអន្ដរាគមន៍ បើទោះជាអន្ដរាគមន៍ទាន់ពេល ក៏នៅមានការខូចខាតផ្ទះសម្បែងដែរ ។
សម្ដេចបានអំពាវនាវឱ្យមានការប្រុង ប្រយ័ត្នយកចិត្ដទុកដាក់ឱ្យបានហ្មត់ចត់ ព្រោះនៅរដូវប្រាំងកម្ដៅនឹងចាប់កើនឡើង ហើយនៅរដូវប្រាំងតែងតែសង្កេតឃើញមានអគ្គិ ភ័យឆាបឆេះជាច្រើនកន្លែង៕
