ម៉ូតូស្កុបពី បុកម៉ូតូរ៉ឺម៉កបណ្តាលឲ្យរងរបួសធ្ងន់ ៣នាក់
ភ្នំពេញ៖ កាលពីវេលាម៉ោង២និង៣០នាទីរំលងអធ្រាត្រ ឈានចូលថ្ងៃទី១៤ មករា ម៉ូតូស្កុបពី បុករ៉ឺម៉ូតូ ម៉ក បណ្តាលឲ្យរងរបួសធ្ងន់៣នាក់ ស្ថិតនៅចំណុចផ្លូវ លេខ១៥៤កែង៨១ មុខហាងមីតធីងម៉ាត សង្កាត់បឹងរាំង ខណ្ឌដូនពេញ។
ករណីនេះ បង្កឡើងរវាងម៉ូតូស្កុកពី ពណ៌ក្រហមលាយខ្មៅ ជិះគ្នា៣នាក់ ប្រុសម្នាក់ ស្រី២នាក់ ជិះតាមផ្លូវលេខ១៥៤ ពីកើត ទៅលិច ដែលបានទៅបុករ៉ឺម៉កម៉ូតូបើកដឹកភ្ញៀវ២នាក់ ស្រីម្នាក់ ប្រុសម្នាក់ តាមផ្លូវលេខ៨១ ពីជើងទៅត្បូងបត់ឆ្វេងបណ្តាលឲ្យម៉ូតូបុកចំពាក់កណ្តាលរ៉ឺម៉ក រងរបួសធ្ងន់ទាំង៣នាក់ ចំណែកខាងរ៉ឺម៉កម៉ូតូរងរបួសស្រាល ។
ក្រោយពេលកើតហេតុជនរងគ្រោះត្រូវរថយន្តសង្គ្រោះដឹកយកទៅព្យាបាលនៅ គ្លីនិកឯកជន ចំណែកម៉ូតូនិងរ៉ឺម៉កម៉ូតូត្រូវសមត្ថកិច្ចធ្វើការវាស់វែងយកទៅ រក្សាទុកនៅខណ្ឌដូនពេញ ៕
ដោយ៖ ហេង នាង
