គូរស្នេហ៍មួយគូរត្រូវរថយន្តបុកបណ្តាលឲ្យរងរបួសធ្ងន់
ភ្នំពេញ ៖ កាលពីវេលាម៉ោង២០ និង ៣០នាទីយប់ ថ្ងៃទី១០ ខែមករា គូរស្នេហ៍មួយគូរត្រូវរថយន្តបុកពេញទំហឹង ខណៈពួកគេកំពុងជិះម៉ូតូឌុបគ្នាក្នុងទិសដៅច្រាសទិសជាមួយរថយន្ត បង្កហេតុបណ្តាលឲ្យរងរបួសធ្ងន់ធ្ងរ ស្ថិតតាមបណ្តោយផ្លូវ ព្រះមុនីរ៉េត ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ។
សាក្សីដែលបានឃើញហេតុការណ៍គ្រោះថ្នាក់ខាងលើនេះបានឲ្យដឹងថា មុនពេលកើតហេតុគេសង្កេតឃើញគូរស្នេហ៍មួយគូរបានជិះម៉ូតូមួយគ្រឿង ម៉ាកវ៉េវ ពណ៌ខ្មៅ ឌុបគ្នា តាមបណ្តោយផ្លូវព្រះមុនីរ៉េត ក្នុងទិសដៅពីជើងទៅត្បូង លុះបើកដល់ចំណុចកើតហេតុខាងលើ ស្រាប់តែមានរថយន្តមួយគ្រឿងមិនស្គាល់ម៉ាក បានបើកបរបញ្ច្រាសទិសគ្នា ក៏រេចង្កូតបុកម៉ូតូពេញទំហឹងតែម្តង បណ្តាលឲ្យគូរស្នេហ៍មួយគូរនោះដួលបោកខ្លួនទៅថ្នល់រងរបួសធ្ងន់ធ្ងរ។
បន្ទាប់ពីកើតហេតុសមត្ថកិច្ចបានមកចុះមកអន្តរាគមន៍ជួយសង្គ្រោះ អ្នករងរបួសបញ្ជូនទៅមន្ទីរពេទ្យនិងបានយកម៉ូតូជនរងគ្រោះទៅរក្សាទុក នៅទីស្នាក់ប៉ុស្តិ៍ស្ទឹងមានជ័យដើម្បីរកចាំក្រុមគ្រួសារមកទទួលយក ទៅវិញ ៕
ដោយ៖ ហេង នាង
