ប្រពន្ធប្រច័ណ្ឌប្តី នឹងស្រីក្មេងផ្ទុះហឹង្សាពេញក្នុងបន្ទប់ខារ៉ាអូខេ
ភ្នំពេញ៖ កាលពីវេលាម៉ោង ៣ និង ៣០នាទីទៀបភ្លឺឈានចូលថ្ងៃទី១០ ខែមករា បុរសម្នាក់បាននាំប្រពន្ធចូលច្រៀងខារ៉ាអូខេ ហើយឃើញស្រីក្មេងស្រល់ស្អាតក៏រពិសដៃលូកលាន់ បិចបោចជាស្រីក្មេងជាហេតុធ្វើឲ្យប្រពន្ធប្រច័ណ្ឌផ្ទុះហឹង្សា ផ្អើលពេញហាងខារ៉ាអូខេ មួយកន្លែងមានយីហោ Happy ស្ថិតនៅតាមបណ្តោយផ្លូវលេខ ៣៧១ សង្កាត់ទឹកថ្លា ខណ្ឌសែនសុខ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុមានបុរសម្នាក់រួមជាមួយស្ត្រីជាប្រពន្ធនិងមិត្ត ភក្តីប្រុសៗពីរនាក់ផ្សេងទៀត បានចូលច្រៀងខារ៉ាអូខេមួយកន្លែងមានយីហោ Happy ខណៈនោះបុរសជាប្តីឃើញស្រីក្មេងស្អាតៗសាច់សខ្ចីក៏រពិសដៃ បិចបោចជាហេតុធ្វើឲ្យស្ត្រីជាប្រពន្ធផ្ទុះភ្លើងប្រច័ណ្ឌ ទាល់ទែងគ្នាផ្អើលពេញបន្ទប់ខារ៉ាអូខេ រហូតមានអំពើហិង្សាបោកកែវបោកចាន ធ្វើឲ្យខូចខាតទ្រព្យសម្បត្តិរបស់ម្ចាស់ហាង។
ក្នុងហេតុការណ៍ខាងលើនេះក្រុមសន្តិសុខហាង និងសមត្ថកិច្ចមូលដ្ឋានបានចូលទៅឃាត់បុរស បង្កហេតុ និងស្ត្រីជាប្រពន្ធតែត្រូវបុរសជាប្តីបញ្ជេញកំហឹងដាក់សន្តិសុខ និងថៅកែហាងធ្វើឲ្យការភាពជ្រូលច្របល់កាន់តែខ្លាំងរហូតត្រូវ សមត្ថកិច្ចឃាត់យកទៅកាន់អធិការដ្ឋាននគរបាលខណ្ឌសែនសុខដើម្បី ដោះស្រាយគ្នា៕
ដោយ៖ ហេង នាង
