Xavi ប្រាប់ Barca កុំឲ្យទិញយក Aubameyang និង Mane
សារព័ត៌មាន Cambodia News/
អេស្ប៉ាញ ៖ អតីតវិរបុរសរបស់ Barcelona កីឡាករ Xavi បានទទូចដល់ក្រុមអ្នកមានបុណ្យ កុំអោយមានការចាប់អារម្មណ៍លើតារាឆ្នើមៗ នៅ Premier League ដូចជា Pierre-Emerick Aubameyang និង Sadio Mane។ នេះបើយោងតាមប្រភពពី The Sun។
អតីតខ្សែបម្រើរូបនេះបានវាយតម្លៃថា គុណភាពរបស់ប្រធានក្រុម Arsenal គឺកីឡាករ Aubameyang និង Mane របស់ Liverpool គឺខ្ពស់ ប៉ុន្តែ Xavi មានអារម្មណ៍កីឡាករទាំងពីរមិនមានលក្ខណៈគ្រប់គ្រាន់សម្រាប់ Nou Camp ឡើយ។
Xavi ដែលបច្ចុប្បន្នកំពុងដឹកនាំក្រុម Al-Sadd នៅប្រទេសកាតាគិតថា ខ្សែប្រយុទ្ធទាំងពីរខាងលើអាចនឹងមានបញ្ហាសម្រាប់ស្ទីលលេងរបស់អ្នកចាត់ការ Quique Setien នៅ Barca។ លោកបាននិយាយថា៖ “Mane និង Aubemayang អាចធ្វើបានល្អសម្រាប់ការលេងចន្លោះធំៗ។ ប៉ុន្តែ Barcelona ត្រូវការកីឡាករដែលអាចលេងបន្លាស់ទីនៅចន្លោះតូចៗ។
Xavi បានិយាយថា ខ្ញុំកំពុងគិតអំពីកីឡាករដែលនឹងសម្របខ្លួនទៅនឹងក្រុម Barcelona ហើយវាមិនងាយស្រួលនោះទេក្នុងការស្វែងរកកីឡាករ។ Samuel Eto’o គឺល្អលេងបានឥតខ្ចោះដូច Luis Suarez ចឹង” ។
ទោះយ៉ាងណាអតីតប្រធានក្រុម Barca លោក Xavi ចង់ឃើញកីឡាករប្រេស៊ីល Neymar វិលត្រឡប់ពី Paris Saint-Germain មកកាន់ Nou Camp វិញ៕
