លោកស៊ី ជីនពីងបានអំពាវនាវឲ្យមានការកែប្រែមុខមាត់ប្រទេស និងពង្រឹងកងទ័ព
នៅថ្ងៃអាទិត្យ ទី១៧ មីនានេះ គឺជាថ្ងៃបិទបញ្ចប់សម័យប្រជុំប្រចំាឆ្នំារបស់សភាប្រជាជនចិនរយៈពេល ១២ថ្ងៃក្នុងទីក្រុងប៉េកំាង។ សម័យប្រជុំដែលបានឈានដល់ការជ្រើសរើសប្រធានាធិបតីថ្មី គឺលោកស៊ី ជីនពីង និងនាយករដ្ឋមន្រ្តីថ្មី គឺលោកលី ខឺឈាំង។ ថ្លែងនាឱកាសបិទបញ្ចប់សម័យប្រជុំនៅថ្ងៃនេះក្នុងនាមជា ប្រមុខរដ្ឋថ្មី លោកស៊ី ជីនពីងបានអំពាវនាវឲ្យមានការកែប្រែមុខមាត់ប្រទេស និងការបង្កើនសមត្ថភាពរបស់កងទ័ពដើម្បីទទួលបានជ័យជំនះនៅក្នុងការ ប្រយុទ្ធ។
ចាប់ពីថ្ងៃនេះតទៅ ប្រទេសចិនបានបើកទំព័រថ្មីជាមួយនឹងក្រុមអ្នកដឹកនំាថ្មីសម្រាប់ អណត្តិរយៈពេល ១០ឆ្នំាខាងមុខ។ ថ្លែងលើកដំបូងក្នុងនាមជាប្រធានាធិបតីថ្មី លោកស៊ី ជីនពីងមិនញញើតនឹងតំាងខ្លួនជាអ្នកជាតិនិយមដើម្បីលើកដំកើន មហិទ្ធិឫទ្ធិរបស់ប្រទេសចិន។ « យើងនឹងតស៊ូប្រយុទ្ធដើម្បីបុព្វហេតុលទ្ធិសង្គមនិយមសម្រាប់ពណ៌សម្បុរ របស់ប្រទេសចិន » នេះជាការសន្យារបស់លោកស៊ី ជីនពីង។ លោកស៊ី ជីនពីងដែលបានធានាអះអាងថា ដើម្បីអាចឲ្យសុបិនរបស់ចិនក្លាយជាការពិតបាន គេត្រូវតែលើកដំកើនសា្មរតីរបស់ចិន មានន័យថា ជាស្មារតីជាតិដែលប្រមូលផ្តុំជុំវិញ ការស្នេហាមាតុភូមិ និងការធ្វើកំណែទម្រង់។
សម្រាប់លោកស៊ី ជីនពីង ទាហានគ្រប់រូប និងមន្រ្តីយោធាប្រជាមានិតគ្រប់ជាន់ថ្នាក់ ព្រមទំាងកម្លំាងប៉ូលិសទំាងអស់ត្រូវតែស្តាប់តាមការចង្អុលបង្ហាញ ផ្លូវរបស់គណបក្ស និងត្រូវតែសមត្ថភាពទទួលបានជោគជ័យជានិច្ចនៅលើគ្រប់ សមរភូមិប្រយុទ្ធ ព្រមទំាងជាកងកម្លំាងប្រដាប់អាវុធមានវិន័យទៀតផង។ ការអំពាវនាវឲ្យពង្រឹងកងទ័ពរបស់លោកស៊ី ជីនពីង ពេលនេះបានធ្វើឡើង ចំពេលដែលទំនាក់ទំនងរវាងចិន និងជប៉ុនកំពុងស្គាល់ភាពតានតឹងយ៉ាងខ្លំាងដោយសារតែជម្លោះដំណ្តើម ទីប្រជុំកោះសេនកាគូនៅក្នុងសមុទ្រចិនខាងកើត។
ក្រៅពីរូបលោកប្រធានាធិបតីថ្មី ស៊ី ជីនពីង រូបលោកលី ខឺឈាំងក៏បានបន្លឺសំឡេងលើកដំបូងក្នុងនាមជានាយករដ្ឋមន្រ្តីថ្មី ដែរ។ ថ្លែងនៅចំពោះមុខក្រុមអ្នកកាសែត លោកលី ខឺឈាំងបានស្តីបន្ទោសសហរដ្ឋអាមេរិកដែលបានចោទចិនថា ជាអ្នកវាយប្រហារព័តមានវិទ្យាប្រឆំាងសហរដ្ឋអាមេរិក។ លោក លី ខឺឈាំងបានចាត់ទុកការចោទប្រកាន់នេះថា គ្មានមូលដ្ឋានច្បាស់លាស់ និងថា ចិនក៏ជាអ្នករងគ្រោះដោយការវាយប្រហារដូចគ្នានេះដែរ។
ទាក់ទងនឹងបញ្ហាក្នុងស្រុកវិញ លោកនាយករដ្ឋមន្រ្តីថ្មីបានប្រាប់ឲ្យដឹងពីការកាត់បន្ថយការចំណាយ របស់រដ្ឋាភិបាល តាមរយៈការកាត់បន្ថយចំនួនបុគ្គលិកដែលស៊ីប្រាក់ខែរដ្ឋ កាត់បន្ថយការចំណាយលើលំនៅដ្ឋានរបស់មន្រ្តីរដ្ឋការ កាត់បន្ថយការចំណាយលើដំណើរទស្សនកិច្ចរបស់មន្រ្តីផ្លូវការ និងកាត់បន្ថយការទិញរថយន្តសម្រាប់មន្រ្តីរដ្ឋាភិបាលជាដើម។ កាលពីមួយសប្តាហ៍កន្លងទៅ ចិនបានប្រកាសឲ្យដឹងពីការធ្វើកំណែទម្រង់លើផ្នែករដ្ឋបាលរបស់ ខ្លួនដោយធ្វើយ៉ាងណា បង្កើនប្រសិទ្ធិភាពការងារ និងរូបភាពដែលពេលខ្លះបានអាប់អួរដោយសាររឿងអាស្រូវពុករលួយមួយចំនួន។ រឿងអាស្រូវពុករលួយដែលលោកប្រធានាធិបតីថ្មីស៊ី ជីនពីងធ្លាប់បានបញ្ជាក់ថា ជាខ្មំាងសត្រូវផ្ទៃក្នុងដែលត្រូវតែដកចោលទំាងឫស ទោះបីជារូបជនពុករលួយនោះមានអំណាចកម្រិតណាក៏ដោយ ពោលគឺគេត្រូវតែកំចាត់ទំាងសត្វខ្លា និងសត្វមូស៕ដោយ គួច គន្ធារ៉ា (RFI)
