ទំនាក់ទំនងរវាងចិននិងកូរ៉េខាងជើងអាចនឹងត្រូវកាត់ផ្តាច់យោងតាមសារព័តម៌ានចិន
អ្វី ដែលគួរអោយចាប់អារម្មណ៍នៅ ប្រទេសចិន នៅថ្ងៃពុធនេះនោះ គឺការសរសេររបស់សារព័តម៌ានចិនមួយឈ្មោះGlobal Times ដែលលើកឡើងមកថា ទំនាក់ទំនងរវាងចិននិងកូរ៉េខាងជើងប្រហែលជាអាចនឹងត្រូវកាត់ផ្តាច់ ប្រសិនបើកូរ៉េនៅ តែចចេសធ្វើការសាកល្បងនុយក្លេអ៊ែររបស់ខ្លួន។ នេះជាលើកទីមួយហើយ ដែលសារព័តម៌ានចិន ប្រើប្រាស់នូវពាក្យថា “កាត់ផ្តាច់” ដើម្បីសរសេរពីទំនាក់ទំនងរវាងចិននិងកូរ៉េខាងជើង ឆ្លើយតបទៅនឹងការព្រមានសាកល្បងអាវុធនុយក្លេអ៊ែរ របស់មេដឹកនាំកូរ៉េខាងជើង កាលពីម្សិលមិញ។ អ្នកការទូតអាមេរិកនានាយល់ថា នេះគឺជាប្រវត្តិសាស្ត្រហើយដែលសារព័តម៌ានចិន Global Times បានសរសេរបែបនេះ។ នាពេលថ្មីៗនេះ ទំនាក់ទំនងមិត្តភាពដ៏ជិតស្និទ្ធ រវាងចិននិងកូរ៉េខាងជើង ស្រុតចុះគ្មានលក្ខណៈល្អប្រសើរដូចពេលមុនៗឡើយ។ ចិនបានចេញមុខសហការជាមួយអាមេរិក ដែលជាសត្រូវរបស់ក្រុងព្យុងយ៉ាង បោះឆ្នោតដាក់ទណ្ឌកម្មលើក្រុងព្យុងយ៉ាង ចំពោះទង្វើសាកល្បងបង្ហោះផ្កាយរណប ព្រមទាំងប្រកាសកាត់បន្ថយជំនួយដល់ក្រុងព្យុងយ៉ាង។ អាកប្ប កិរិយាថ្មីរបស់ចិន បានបង្កភាពក្តៅក្រហាយដល់រដ្ឋាភិបាលកូរ៉េខាងជើង។
“ក្រុង ប៉េកាំងនិងក្រុងព្យុងយ៉ាង ត្រូវតែចែករំលែកសេចក្តីព្រួយបារម្ភ រវាងគ្នានិងគ្នា ចំពោះបញ្ហាដែលថា ទំនាក់ទំនងរបស់ពួកគេអាចនឹងត្រូវកាត់ផ្តាច់។ ក្រុងព្យុងយ៉ាងមិនបានចំណេញប្រយោជន៍អ្វីពីនេះឡើយ” នេះជាបទវិចារណកថា ស្តីពីទំនាក់ទំនងរវាងចិន និងកូរ៉េខាងជើង សរសេរចុះផ្សាយ ជាភាសាចិននិងភាសាអង់គ្លេស នៅថ្ងៃពុធនេះ ដោយកាសែតចិន Global Times។ Global Times បានដាក់ចំណងជើងលើបទវិចារណកថានេះថា “ប្រទេសចិនមិនត្រូវភ័យខ្លាចពីជម្លោះជាមួយប្រទេសកូរ៉េខាងជើង នោះទេ”។
កាសែត Global Times ស្ថិតក្នុង “ក្រុមសារព័តម៌ានប្រចាំថ្ងៃរបស់ប្រជាជនចិន” ដែលជាផ្នែកសារព័តម៌ានមួយរបស់គណបក្សកុំម្មុយនិស្តចិន។
នេះជាលើកទីមួយហើយ ដែលសារព័តម៌ានចិន ប្រើប្រាស់នូវពាក្យពេចន៍ថា “កាត់ផ្តាច់” ដើម្បីបរិយាយពីទំនាក់ទំនងរវាងចិននិងកូរ៉េខាងជើង។ វាជាការឆ្លើយតបទៅនឹងការព្រមានសាកល្បងនុយក្លេអ៊ែរជាច្រើន គ្រាប់ របស់មេដឹកនាំកូរ៉េខាងជើង កាលពីម្សិលមិញ។
Global Times បានសរសេរបន្ថែមទៀតថា “ព្យុងយ៉ាងមានសារៈសំខាន់សំរាប់ប្រទេសចិន ប៉ុន្តែមិនរហូតដល់ថ្នាក់អោយចិនបោះបង់ចោល នូវគោលជំហររបស់ខ្លួននោះឡើយ”។
យោងតាមកាសែតមួយនេះ ប្រសិនបើកូរ៉េខាងជើងនៅតែចចេសសាកល្បងអាវុធនុយក្លេអ៊ែរ ផ្ទុយនឹងការហាមឃាត់របស់អន្តរជាតិ ចិននឹងកាត់បន្ថយជំនួយរបស់ខ្លួនដល់ក្រុងព្យុងយ៉ាង។ គួររំលឹកថា ចិនធ្លាប់បានប្រកាសកាត់បន្ថយជំនួយនេះ ម្តងរួចមកហើយ កាលពីខែមករា កន្លងមក។
រយៈពេលថ្មីៗកន្លងមកនេះ ទំនាក់ទំនងមិត្តភាពដ៏ជិតស្និទ្ធ រវាងចិននិងកូរ៉េខាងជើង ស្រុតចុះគ្មានលក្ខណៈល្អប្រសើរដូចពេលមុនៗឡើយ។ នៅអង្គការសហប្រ ជាជាតិ ចិនបានចេញមុខសហការជាមួយអាមេរិក ដែលជាសត្រូវរបស់ក្រុងព្យុង យ៉ាង បោះឆ្នោតដាក់ទណ្ឌកម្មលើក្រុងព្យុងយ៉ាង លើការសាកល្បង បង្ហោះផ្កាយរណប កាលពីខែធ្នូកន្លងមក។ កូរ៉េខាងជើងបង្ហាញភាពក្តៅក្រហាយ តបតគំរាមទៅវិញថាខ្លួននឹងសាកល្បងអាវុធនុយក្លេអ៊ែរជាលើកទី បីម្តងទៀត ហើយនឹងធ្វើឡើង នៅច្រើនកន្លែង ក្នុងពេលតែមួយ៕ដោយ ព្រំ សឿន សូលីណា (RFI)
