ប្រធានក្រុមហ៊ុន Google គ្រោងធ្វើទស្សនកិច្ចទៅប្រទេសកូរ៉េខាងជើង
ក្រសួងការបរទេសរបស់សហរដ្ឋអាម៉េរិក និយាយថា ផែនការរបស់ប្រធានក្រុមហ៊ុម Google ទៅធ្វើទស្សនកិច្ចទៅប្រទេសកូរ៉េខាងជើងនោះ គឺមិនមែនជាការវិវឌ្ឍមានប្រយោជន៍ឡើយ។
គេមិនដឹងឡើយអំពីមូលហេតុដែលនាំឲ្យមានដំណើរទស្សនកិច្ច នេះ ប៉ុន្តែមានការសេចក្ដីរាយការណ៍នានាថា ទស្សនកិច្ចនេះគឺជាផ្នែកនៃបេសកកម្មមនុស្សធម៌ដឹកនាំដោយអ្នក នយោបាយអាម៉េរិក លោក Bill Richardson ដែលនឹងអមដំណើររបស់លោកប្រធាន Google គឺលោក Eric Schmidt ។
អ្នកនាំពាក្យរបស់ក្រសួងការបរទេស របស់អាម៉េរិក លោកស្រី Victoria Nuland ថ្លែងថា អ្នកទាំងពីរពិតជាបានយល់ច្បាស់អំពីទស្សនៈរបស់រដ្ឋាភិបាលសហរដ្ឋ អាម៉េរិក។ លោកស្រីបន្តថា លោកស្រីព្យាយាមដកខ្លួនចេញពីដំណើរទេស្ស នកិច្ចនេះ ដោយសារវាមិនមែនជាទស្សនកិច្ចផ្លូវការដោយមន្រ្តីរដ្ឋាភិបាល អាម៉េរិកនោះទេ។ ពួកគេនឹងមិននាំសារអ្វីពីអាម៉េរិកដែរ។ ម្យ៉ាងទៀតពេលវេលាបច្ចុប្បន្នគឺមិនមែនជាកាលៈទេសៈសមរម្យឡើយ ក្នុងការធ្វើដំណើរទៅកូរ៉េខាង ជើង៕ (Radio Australia)