សមត្ថកិច្ចចាប់ឃាត់ខ្លួនជនសង្ស័យឆក់ទូរស័ព្ទពីរនាក់
ភ្នំពេញ ៖ កាលពីវេលាម៉ោង២១និង៣០នាទីយប់ ថ្ងៃទី២២ ធ្នូ ២០១២ មុខសញ្ញាចោរឆក់ ទូរស័ព្ទដៃ២នាក់ត្រូវបានកម្លាំងសមត្ថកិច្ច ចាប់ខ្លួនបានជាក់ស្ដែង នៅតាមបណ្ដោយផ្លូវ លេខ២០០៤ ភូមិត្រពាំងឈូក សង្កាត់ទឹកថ្លា ខណ្ឌសែនសុខ បន្ទាប់ពីពួកគេបានធ្វើសកម្ម ភាពឆក់ទូរស័ព្ទដៃអ្នកដំណើរម្នាក់នៅ ចំណុចមុខវត្តជំពូវ័ន្ត ខណ្ឌពោធិ៍សែនជ័យ។
ជនល្មើស២នាក់ជិះម៉ូតូមួយគ្រឿង ម៉ាកវីវ៉ា ពណ៌ខ្មៅពាក់ស្លាកលេខភ្នំពេញ 1AG-7561 បានឆក់ទូរស័ព្ទដៃពីជនរងគ្រោះនៅម្ដុំមុខវត្តជំពូវ័ន្ត ខណ្ឌពោធិ៍សែនជ័យ។
មុខសញ្ញាជនសង្ស័យទាំង២នាក់ទី១. ឈ្មោះ សុង គីមជៀ អាយុ២១ឆ្នាំ មុខរបរកម្មករសំណង់ ទី២.ឈ្មោះ ជី ហៀង អាយុ២៩ឆ្នាំ មុខរបរកម្មករសំណង់ ទាំង២នាក់មានទីលំនៅ ក្នុងសង្កាត់និរោធ ខណ្ឌមានជ័យ។
ជនទាំង២នាក់ បានសារភាពថា រូបគេពិតជាបានឆក់យកទូរស័ព្ទដៃគេមួយគ្រឿងមែនម៉ាកLGពណ៌ខៀវ(ចិន) លុះជិះគេចខ្លួនមកដល់ខណ្ឌសែនសុខក៏ត្រូវប៉ូលិសចាប់ខ្លួនបាន ភ្លាមៗតែម្ដង៕
ដោយ៖ ហេង នាង