នារីពីរនាក់ជិះម៉ូតូប៉ះគ្នាជាមួយម៉ូតូសណ្តោងកន្ទុយ
ភ្នំពេញ៖ កាលពីវេលាម៉ោង១២និង៤០នាទី ថ្ងៃទី២៣ ធ្នូ ២០១២ នារីពីរនាក់ជិះម៉ូតូប៉ះគ្នា ជាមួយនិងម៉ូតូសណ្តោងកន្ទុយបណ្តាលឲ្យ ម៉ូតូរងការខូចខាតបែកស្តុបខាងក្រោយ នៅ តាមបណ្តោយផ្លូវលេខ៣៦០ ស្ថិតក្នុងសង្កាត់បឹងកេងកងទី១ ខណ្ឌចំការមន។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូម៉ាកសេ ១២៥ ពណ៌ខ្មៅ ពាក់ស្លាកលេខភ្នំពេញ 1AF8100 បើកបរដោយនារីពីរនាក់តាមបណ្តោយវិថីព្រះនរោត្តមក្នុងទិសដៅពីជើង ទៅត្បូងហើយបត់ស្តាំនៅចំណុចផ្លូវកែងលេខ៣៦០ ក៏បានប៉ះគ្នាជាមួយនិងម៉ូតូសណ្តោងកន្ទុយដែលកំពុងបើកបរពីត្បូងទៅ ជើងហើយបត់ឆ្វេងបណ្តាលឲ្យម៉ូតូម៉ាកសេ១២៥ ដួលបែកស្តុបខាងក្រោយ ចំណែកឯម៉ូតូសណ្តោងកន្ទុយវិញមិនបានរងការខូចខាតអ្វីឡើយ។
ក្រោយពេលកើតហេតុភាគីទាំងសងខាងបានចរចារគ្នាដោយភាគីខាងម៉ូតូសណ្តោង កន្ទុយសងថ្លៃខូចខាតទៅឲ្យភាគីម៉ូតូសេ១២៥ ចំនួន៣៥ដុល្លារដើម្បីបញ្ចប់បញ្ហា៕
ដោយ៖ ហេង នាង
