រំលោភរួចដុតសម្លាប់ចោលក្នុងភ្នក់ចំបើង
នៅថ្ងៃទី៥ កុម្ភៈ ២០១២ វេលាម៉ោង ៣និង ៣០នាទីរសៀល ស្ថិតក្នុងភូមិស្រែក្រសាំង ឃុំស្រែងក្រសាំង ស្រុកសៀមបូក គេបានប្រទះឃើញស្រ្តីមេម៉ាយម្នាក់ស្លាប់យ៉ាង ខ្លោចផ្សាក្នុងភ្នក់ចំបើង ដោយត្រូវគេដុតខ្លោចខ្មៅនៅសល់ពាក់កណ្តាលខ្លួនដែលសង្ស័យថាត្រូវគេចាប់រំលោភរួចសម្លាប់បំបិទមាត់។
ស្ត្រីឈ្មោះវ៉ាង កុល ត្រូវជាបងបានឱ្យដឹងថា ស្ត្រីរងគ្រោះឈ្មោះវ៉ាង កង អាយុ៣១ឆ្នាំ រស់នៅភូមិ-ឃុំកើតហេតុខាងលើ។ ចំពោះករណីនេះសមត្ថកិច្ចនៅមិនទាន់មានការបញ្ជាក់ពីតម្រុយនៃការស្លាប់របស់ស្រ្តីរងគ្រោះនេះនៅឡើយទេ៕
