ពលរដ្ឋនៅស្រុកជាំក្សាន្តខេត្តព្រះវិហារសុំសម្តេចហ៊ុនសែនជួយរឿងដីធ្លី
នៅព្រឹកថ្ងៃទី ៦ កុម្ភៈ ២០១២ មានប្រជាពលរដ្ឋជាង ២០០នាក់ នៅឃុំកន្ទួច ស្រុកជាំក្សាន្ត ខេត្តព្រះវិហារ បានឡើងមកប្រមូលផ្តុំគ្នានៅក្រោមដើមពោធិ៍លើសួនច្បារមុខវត្តបទុម ដើម្បីដាក់ញត្តិស្នើសុំសម្តេច ហ៊ុន សែន ជួយឲ្យប្រជាពលរដ្ឋជាង ២៥០គ្រួសារបានទៅរស់នៅកន្លែងដើមវិញ។
ប្រជាពលរដ្ឋម្នាក់ឈ្មោះ ផាន់ ធឿន បាននិយាយថា ពលរដ្ឋជាង ២៥០គ្រួសារសុំសម្តេច ហ៊ុនសែន ជួយឲ្យពួកគាត់បានទៅរស់នៅភូមិចាស់ ក្នុងឃុំកន្ទួច ស្រុកជាំក្សាន្ត ខេត្តព្រះវិហារ ឡើងវិញ។ ដែលកន្លងមកភូមិដ្ឋាននោះ ត្រូវបានអាជ្ញាធររុះរើកម្ទេចផ្ទះ និងបណ្ដេញប្រជាពលរដ្ឋមិនឲ្យរស់នៅតំបន់នោះ កាលពីថ្ងៃទី៣០ ធ្នូ ២០១១៕