ផឹកស្រវឹងចាក់ប្រពន្ធ 2កាំបិតរបួសធ្ងន់
ស្ត្រីម្នាក់បានរងរបួសជាទម្ងន់ដោយសារតែប្តីផឹកស្រាស្រវឹង ក៏បង្កជម្លោះដោយសាររឿងប្រចណ្ឌ ហើយបានចាក់ស្រ្តីជាប្រពន្ធចំនួន ២កាំបិត។
អំពើហិង្សានេះបានកើតឡើងកាលពីវេលាម៉ោង ៦ និង ៣០នាទីល្ងាចថ្ងៃ ២៩ មករា ២០១២ នៅភូមិអន្លង់ក្រាញ់ ឃុំពពក ស្រុកស្ទោង ហើយក្រោយពេលកើតហេតុជនដៃដល់បានត្រូវកម្លាំងប៉េអឹមស្រុកស្ទោង ចាប់ឃាត់ខ្លួន ។
លោកឃុន ប៊ុនហូរ ដែលជាមន្ត្រីប៉េអឹមស្រុកស្ទោង ឱ្យដឹងថា ជនដៃដល់ជាប្តីឈ្មោះទន់ ហាន់ អាយុ២៨ឆ្នាំ ឯប្រពន្ធរងគ្រោះឈ្មោះសៅ វ៉ាន់ អាយុ២៧ឆ្នាំ រស់នៅភូមិ-ឃុំ កើតហេតុ៕