នៅឆ្នាំ២០១៦កម្ពុជាទំនងជានឹងទទួលបានតំណក់ប្រេងដំបូង
ដោយ៖ ហេង នាង
Cambodia News
(រូប ហេង នាង)
ភ្នំពេញ៖ នៅក្នុងវេទិកាតុមូលស្តីពីការធ្វើអាជីវកម្មប្រេង និងការអភិវឌ្ឍសេដ្ឋកិច្ច ដែលបានរៀងចំឡើងដោយក្លឹក អ្នកការកម្ពុជា ឧបត្ថមម្ភដោយមូលនិធិ ខុនរ៉ាដអាដេណៅ អ៊ែរ នៅសណ្ឋាគារ ក៉ាបូឌីយ៉ាណា ថ្ងៃទី២៦ តុលា ២០១២ លោក ឆាយ សារ៉ាត នាយកប្រតិបត្តិសម្ព័ន្ធភាព កម្ពុជាដើម្បីតម្លាភាពចំណូលធនធាន បានលើកឡើងថា ការទទួលបានដំណក់ប្រេងដំបូងយ៉ាងហោចណាស់ក៏ អូសបន្លាយដល់ឆ្នាំ ២០១៦ដែរ។ វាខុសពីការប្រកាស កាលពីមុនដែលថា កម្ពុជានឹងទទួលបានដំណក់ប្រេង លើកដំបូងនៅថ្ងៃទី១២ ខែ១២ ឆ្នាំ២០១២ វេលាម៉ោង ១២។
លោក ឆាយ សារ៉ាត បានបន្តថា នៅមានបញ្ហាបច្ចេក ទេសជាច្រើនដែលតម្រូវឲ្យអូស បន្លាយពេលវេលា ហើយការទទួលបានដំណក់ប្រេងដោយខ្លួនឯងទំនង ជាមិនអាចធ្វើឲ្យប្រេងចុះថោកច្រើន បានទេ។ ទាក់ទង ទៅនឹងចំណូលដែលបានមកពីអាជីវកម្មប្រេង រដ្ឋាភិ បាលត្រូវការការគ្រប់គ្រងដ៏ល្អមួយពីព្រោះមានបទពិសោធន៍ជាច្រើន ដែលបង្ហាញថា ចំណូលបានមកពីប្រេងមិនអាចជួយ ជំរុញសេដ្ឋកិច្ចជាតិឲ្យបានរីកចម្រើនទៅមុខឡើយ។
ជាមួយគ្នានោះលោក ធី ទ្រី អ្នកសម្របសម្រួលបណ្តាញផលប៉ះពាល់បរិស្ថាន និងសង្គម បានលើកឡើងថា សម្រាប់អាជីវកម្ម ប្រេងលោកមានការព្រួយបារម្ភ ពីផលប៉ះពាល់ ផ្នែកបរិស្ថាន ជាពិសេសទៅលើវិស័យទេសចរណ៍ ព្រោះអាជីវកម្មនេះធ្វើឡើង នៅលើកោះ ម្យ៉ាងទៀតកម្ពុជាមិនទាន់មានយន្តការដោះស្រាយបញ្ហាពេលមានគ្រោះអាសន្នធ្លាយប្រេង នៅឡើយទេ៕
