ភាពយន្តចម្រៀង «ជីវិតក្មេងវត្ត» ស្នាដៃនិពន្ធរបស់សម្តេចតេជោ ហ៊ុន សែន សម្ពោធជាផ្លូវការនៅថ្ងៃនេះ
សារព័ត៌មានCambodia News/
ភ្នំពេញ ៖ ភាពយន្តចម្រៀង «ជីវិតក្មេងវត្ត» ដែលជាស្នាដៃនិពន្ធរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងសម្ពោធជាផ្លូវការ នៅថ្ងៃទី២៨ ខែកញ្ញា ឆ្នាំ២០២២នេះ។
រដ្ឋមន្ត្រីក្រសួងវប្បធម៌ និងវិចិត្រសិល្បៈ លោកជំទាវ ភឿង សកុណា នឹងចូលរួមក្នុងពិធីសម្ពោធនេះ ដោយចាប់ពីម៉ោង ១០ ៖ ០០នាទីតទៅនៅអគារក្រសួងរៀបចំដែនដីន គរូបនីយកម្ម និងសំណង់
ភាពយន្តចម្រៀង «ជីវិតក្មេងវត្ត» ពោរពេញទៅដោយការតស៊ូ អត់ធន ពុះពារគ្រប់ឧបសគ្គ ដើម្បីក្រេបយកចំណេះវិជ្ជា ដែលជាស្នាដៃផលិតដោយសមាគមសិល្បករខ្មែរ និងដឹកនាំសម្តែងដោយ លោក ហ្វៃ សំអាង ដែលជាអ្នកដឹកនាំរឿងដ៏ល្បីល្បាញផងដែរ។
សម្តេចតេជោ ហ៊ុន សែន បានឱ្យដឹងថា ភាពយន្តចម្រៀង «ជីវិតក្មេងវត្ត» ដែលនឹងដាក់សម្ពោធនៅទី២៨ ខែកញ្ញា ឆ្នាំ២០២២ ជាថ្ងៃដែលបងប្អូន កូន ក្មួយ ចៅ ចៅទួត របស់សម្តេចទន្ទឹងរង់ចាំបានមកដល់ហើយ៕
