រុស្ស៉ី ៖ ប្រទេសលោកខាងលិចកំពុងញុះញង់ឱ្យអ៊ុយក្រែន វាយប្រហារលើទឹកដីរុស្ស៉ី
សារព័ត៌មាន Cambodia News/
ថ្ងៃចេញផ្សាយៈ April 29, 2022/
មូស្គូ ៖ យោងតាមការចេញផ្សាយដោយសារព័ត៌មាន TASS អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយថា បណ្តាប្រទេសលោកខាងលិចកំពុងអំពាវនាវដោយបើកចំហដល់អ៊ុយក្រែនឱ្យវាយប្រហារលើទឹកដីរុស្ស៊ី ដោយប្រើអាវុធដែលពួកគេផ្គត់ផ្គង់ដល់ទីក្រុងកៀវ។
នៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ លោកស្រីបានលើកឡើងថា «យើងបានធ្វើអត្ថាធិប្បាយរួចហើយកាលពីប៉ុន្មានថ្ងៃមុនលើសេចក្តីថ្លែងការណ៍របស់អនុរដ្ឋមន្ត្រីការពារជាតិអង់គ្លេស អំពីការយល់ព្រមឱ្យអ៊ុយក្រែនវាយប្រហារគោលដៅយោធារុស្ស៊ី។
យោងតាមលោកស្រី Zakharova ទីក្រុងកៀវទទួលយកការអំពាវនាវនេះ សម្រាប់ធ្វើសកម្មភាព ដោយក្នុងរយៈពេលប៉ុន្មានសប្តាហ៍កន្លងមកនេះ កងកម្លាំងប្រដាប់អាវុធអ៊ុយក្រែនបានទម្លាក់គ្រាប់បែកលើទឹកដីព្រំដែនរុស្ស៊ីបណ្តាលឱ្យមានអ្នកស្លាប់ និងបំផ្លិចបំផ្លាញយ៉ាងច្រើន៕
