បេក្ខជនប្រឡងសញ្ញាបត្រមធ្យមសិក្សាទុតិយភូមិនៅឆ្នាំនេះមានចំនួនសរុប ១១៥.១៣៩នាក់
សារព័ត៌មាន Cambodia News/
ភ្នំពេញ ៖ កាលពីថ្ងៃទី០៦ ខែវិច្ឆិកា ឆ្នាំ២០២១ ក្រសួងអប់រំយុវជន និងកីឡា បានប្រកាសនូវទិន្នន័យបឋម សម្រាប់ការប្រឡងបាក់ឌុប ក្នុងនោះ ចំនួនបេក្ខជនប្រឡងបាក់ឌុបនៅឆ្នាំនេះ មានចំនួនសរុប ១១៥.១៣៩នាក់ (បេក្ខនារីចំនួន ៦០.៦៦១) ចេញជា ២០៥មណ្ឌល ស្មើនឹងចំនួន ៤.៦៥១បន្ទប់។
ចំណែកកាលបរិច្ឆេទប្រឡងសញ្ញាបត្រមធ្យមសិក្សាទុតិយភូមិ (បាក់ឌុប)នឹងធ្វើឡើងនៅថ្ងៃទី២៧ ខែធ្នូឆ្នាំ២០២១។ ជាមួយគ្នានេះ សម្រាប់បវេសនកាលឆ្នាំសិក្សា២០២១-២០២២ នឹងចាប់ផ្តើមនៅថ្ងៃទី១០ ខែមករា ឆ្នាំ២០២២៕
