ក្រោយបន្ទាប់ពីបិទអស់១៨ខែ ថៃត្រៀមបើកប្រទេសឡើងវិញនៅសប្តាហ៍
សារព័ត៌មាន Cambodia News/
ថៃ ៖ ថៃត្រៀមបើកប្រទេសឡើងវិញចាប់ពីថ្ងៃ០១ ខែវិច្ឆិការ ដោយសណ្ឋាគារតូបលក់អាហារតាមដងផ្លូវ និងយានកង់បីបានត្រៀមខ្លួនសំរាប់ភ្ញៀវដែលបានចាក់វ៉ាក់សាំងការពារកូវីដ១៩បានពេញលេញបន្ទាប់ពីការទប់ស្កាត់ការធ្វើដំណើរអស់១៨ខែ របស់ទេសចរបរទេសមកកាន់ក្រុងបាងកក។
រដ្ឋាភិបាលថៃសង្ឃឹមថា ផែនការមិនធ្វើចត្តាឡីស័កតឹងរឹងនឹងទាក់ទាញទេសចរបរទេសអោយវិលមកកាន់រង្គសាលនិងឆ្នេរខ្សាច់ថៃទោះជាអត្រាឆ្លងនៅច្រើនគួរសមក្តី។
ក្នុងជំនួបកំពូលអាស៊ានកាលពីម្សិលមិញ នាយករដ្ឋមន្ត្រីថៃលោកប្រាយុទ្ធ ចាន់អូចា បានទទូចអោយមេដឹកនាំអាស៊ានដទៃទៀតធ្វើតាមថៃនិងចាប់ផ្តើមបើកសេដ្ឋកិច្ចរបស់គេឡើងវិញហើយធានាការអនុវត្តជាក់ស្តែងចម្លើយតបរបស់ប្លុកនេះចំពោះជំងឺកូវីដ១៩។
សូមបញ្ជាក់ថា រាល់អ្នកដំណើរត្រូវតេស្តិ៍អវិជ្ជមានកូវីដមុនឡើងយន្តហោះទៅថៃ និងធ្វើតេស្តិ៍រកកូវីដជាថ្មីពេលទៅដល់ ហើយពួកគេត្រូវស្នាក់នៅក្នុងសណ្ឋាគារមួយយប់ដើម្បីរង់ចាំលទ្ធផលតេស្តិ៍រកវីរុស។ នៅដំណាក់កាលនេះ បំរាមលើការបើកសេវារង្គសាលនិងភោជនីយដ្ឋានដែលត្រូវបានអនុវត្តអស់៧ខែមកនេះ នឹងត្រូវលុបចោល៕
