អ្នកគាំទ្រទាមទារឲ្យដោះលែងអតីតប្រធានាធិបតីតៃវ៉ាន់
សកម្មជនរាប់រយនាក់ និងអ្នកគាំទ្រអតីតប្រធានាធិបតីតៃវ៉ាន់ដែលកំពុងជាប់ឃុំ លោក Chen Shui-bian បានប្រមូលផ្តុំគ្នា នៅមុខពន្ធនាគារដើម្បីទាមទារឲ្យមានការដោះ លែងរូបលោក។
ការទាមទារនេះ ធ្វើឡើងបន្ទាប់ពីអគ្គមេធាវីអាម៉េរិក លោក Ramsey Clark ចូលសួរសុខទុក្ខលោក Shui-bian ។
អគ្គមេធាវី លោក Ramsey Clark បានប្រាប់អ្នកយកព័ត៌មានថា សុខភាពរបស់លោក Chen ចុះខ្សោយ ប៉ុន្តែស្មារតីរបស់ លោកនៅ មាំទាំដដែលទេ។
រដ្ឋាភិបាល តៃវ៉ាន់ បានបដិសេធការស្នើសុំពីគ្រួសារលោក Shui-bian និងសមាជិកបក្សប្រឆាំង គណបក្សអភិវឌ្ឍលិទ្ធិ ប្រជាធិបតេយ្យ ឲ្យដោះលែងលោកឲ្យនៅក្រៅឃុំ ដើម្បីព្យាបាលជំងឺ។
អតីតប្រធានាធិបតីរូបនេះ រងការកាត់ទោសជាប់ពន្ធនាគារជាង ១៧ឆ្នាំ ពីបទស៊ីសំណូក និងពុករលួយក្នុងអំឡុងពេល ដែល លោកកាន់អំណាចជាប្រធានាធិបតីពីឆ្នាំ ២០០០ ដល់ ២០០៨៕ (Radio Australia)
