តុលាការចាប់ផ្តើមសវនាការសំណុំរឿង លោក កឹម សុខា សាជាថ្មីនៅព្រឹកនេះ
សារព័ត៌មាន Cambodia News/
ភ្នំពេញ (២២ មករា ២០២០) ៖ នៅព្រឹកថ្ងៃទី២២ ខែមករា នេះ សាលាដំបូងរាជធានីភ្នំពេញបានបន្តសវនាការសំណុំរឿង លោក កឹម សុខា អតីតប្រធាននៃអតីតគណបក្សសង្គ្រោះ សាជាថ្មី ជាមួយការរឹតបន្តឹងសន្តិសុខ ជុំវិញបរិវេណតុលាការដដែល ក្នុងគោលបំណងថែរក្សាសណ្តាប់ធ្នាប់សាធារណៈ។
សវនាការសំណុំរឿងដ៏ក្តៅគគុក នេះ នឹងមិនរំពឹងថា អាចបញ្ចប់រយៈពេលខ្លីនោះទេ ដោយសារតែមានអ្នកពាក់ព័ន្ធជាច្រើន ដែលត្រូវផ្តល់សក្ខីកម្មជូនតុលាការ និង មានដំណាក់កាលនីតិវិធី ជាច្រើនផងដែរ។
គួរបញ្ជាក់ថា លោក កឹម សុខា ត្រូវបានតុលាការចោទប្រកាន់ពីបទ សន្និដ្ឋិភាពជាមួយបរទេស ឬ ទោសក្បត់ជាតិ ពាក់ព័ន្ធការរួមគំនិតជាមួយបរទេស រៀបចំគម្រោងផ្តួលរំលំរាជរដ្ឋាភិបាលកម្ពុជា ។ ប៉ុន្តែ តាំងពីដើមរហូតមកទល់ពេលសវនាការ នេះ លោក កឹម សុខា តែងតែឆ្លើយបដិសេធការចោទប្រកាន់គ្រប់ដំណាក់កាលទាំងអស់ ៕
