អង្គភាពអ្នកនាំពាក្យធ្វើសន្និសីទស្តីពីការបន្លាស់ទីពលរដ្ឋរស់នៅលើផ្ទះបណ្តែតទឹកលើបឹងទន្លេសាប
សារព័ត៌មាន Cambodia News/
ភ្នំពេញ (១២ ធ្នូ ២០១៩) ៖ អង្គភាពអ្នកនាំពាក្យរាជរដ្ឋាភិបាលកម្ពុជា នៅព្រឹកថ្ងៃទី១២ ខែធ្នូ ឆ្នាំ២០១៩នេះបាន កំពុងរៀបធ្វើសន្និសីទសារព័ត៌មានបង្ហាញពីផែនការបន្លាស់ទីប្រជាពលរដ្ឋរួមមានជនជាតិវៀតណាម ខ្មែរ និងខ្មែរ-ឥស្លាម ពីការរស់នៅលើផ្ទះបណ្ដែតទឹកលើទន្លេសាប ឡើងមករស់នៅលើផ្ទៃដីទំហំប្រមាណ ៤០ហិកតា ក្នុងខេត្តកំពង់ឆ្នាំង ។
សន្និសីទសារព័ត៌មាននេះ មានទិសដៅ និងគោលបំណង ពន្យល់បកស្រាយអំពីចម្ងល់របស់សាធារណជនពាក់ព័ន្ធការបន្លាស់ទីប្រជាពលរដ្ឋ រស់នៅលើផ្ទះបណ្ដែតទឹក ក្នុងភូមិសាស្ដ្រឃុំសង្កាត់ ចំនួន៩ ដែលបានរស់នៅលើផ្ទៃទឹកទន្លេសាបឱ្យឡើងមករស់នៅលើគោកវិញ តាមការរៀបចំរបស់អាជ្ញាធរខេត្តកំពង់ឆ្នាំង។
សូមបញ្ជាក់ថា សន្និសីទសារព័ត៌មាននេះ រៀបចំធ្វើឡើងបន្ទាប់ពីមានការផ្ទុះប្រតិកម្មពីប្រជាពលរដ្ឋខ្មែរមួយចំនួន។ ប្រជាពលរដ្ឋខ្មែរដែលប្រតិកម្មនោះ បានបង្ហាញការព្រួយបារម្ភថា ការផ្តល់ដីឱ្យជនជាតិវៀតណាមនោះនឹងនាំឱ្យកម្ពុជាបាត់បង់ដី ខណៈអ្នកខ្លះទៀតមានការយល់ច្រឡំថា ការផ្តល់ដីនោះ ជាការកាត់ដីឱ្យជនជាតិវៀតណាមជាដើម៕
