ដោយសារផ្សែងពីភ្លើងឆេះព្រៃអាម៉ាហ្សូនធ្វើឲ្យទីក្រុងនៅប្រេស៊ីលប្រែជាងងឹតស្លុប
សារព័ត៌មាន Cambodia News/
ប្រេស៊ីល (២៣ សីហា ២០១៩) ៖ ទីក្រុងធំជាងគេបំផុតក្នុងប្រទេសប្រេស៊ីល បានប្រែក្លាយជាងងឹតស្លុបភ្លាមៗនៅកណ្ដាលថ្ងៃត្រង់ក្រោយពេលដែលផ្សែងខ្មៅពីភ្លើងឆេះព្រៃអាម៉ាហ្សូនគ្របដណ្ដប់ទីក្រុងកាលពីកន្លងទៅថ្មីៗនេះ។
បើគិតមកទល់ពេលនេះ ស្ថិតិបង្ហាញថាភ្លើងបានឆេះព្រៃអស់ប្រមាណជាជាង ២ ២០០គីឡូម៉ែត្រការ៉េហើយក្រោយបន្ដឆាបឆេះអស់រយៈពេល ២សប្ដាហ៍ ខណៈពេលដែលមានការរិះគន់ជាច្រើនចំពោះការដឹកនាំរបស់រដ្ឋាភិបាលប្រេស៊ីលបច្ចុប្បន្ន។
យោងតាមភ្នាក់ងារសារព័ត៌មាន Reuters ឲ្យដឹងដែរថាមូលហេតុដែលបណ្ដាលឲ្យភ្លើងឆេះព្រៃអាម៉ាហ្សូន គឺបណ្ដាលមកពីសកម្មភាពរបស់មនុស្សដុត និងគ្រោះរាំងស្ងួត។
ផ្សែងដែលហ៊ុយមកគ្របដណ្ដប់ទីក្រុងធ្វើឲ្យប្រែជាងងឹតស្លុបនេះ បានបង្កឲ្យមានការព្រួយបារម្ភជាខ្លាំងពីអ្នកប្រើប្រាស់បណ្ដាញសង្គមអំពីភ្លើងដែលកំពុងឆេះព្រៃតំបន់ត្រូពិចធំជាងគេបង្អស់ក្នុងពិភពលោកដែលត្រូវបានគេស្គាល់ថាជា “សួតរបស់ផែនដី”៕
