រដ្ឋមន្រ្តីអប់រំអញ្ជើញ បើកវិញ្ញាសាប្រឡង បាក់ឌុប នៅវិទ្យាល័យ ព្រះស៊ីសុវត្ថិ
សារព័ត៌មាន Cambodia News/
ភ្នំពេញ (១៩ សីហា ២០១៩) ៖
លោកហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា និងជាប្រធាន គណៈមេប្រយោគ ទូទាំងប្រទេស នៅព្រឹកថ្ងៃទី១៩ ខែសីហា ឆ្នាំ២០១៩នេះ បាននឹងកំពុងអញ្ជើញបើកវិញ្ញាសាប្រឡង សញ្ញាបត្រមធ្យមសិក្សាទុតិយភូមិ (បាក់ឌុប) ឲ្យបេក្ខជន នៅមណ្ឌលប្រឡង វិទ្យាល័យព្រះស៊ីសុវត្ថិក៏ដូចជាពិនិត្យនិង តាមដានមើលពីស្ថានភាពទូទៅផងដែរ។
ជាមួយគ្នានោះក៏មានវត្តមាន លោក ឃួង ស្រេង អភិបាលរាជធានីភ្នំពេញ លោក សាយ សំអាល់ អនុប្រធានសហភាពសហព័ន្ធយុវជនកម្ពុជា តំណាងលោក ហ៊ុន មានី ប្រធានសហភាព សហព័ន្ធយុវជនកម្ពុជា អញ្ជើញចូលរួមបើកវិញ្ញាសាប្រឡងនេះផងដែរ។
សូមបញ្ជាក់ថា សម្រាប់ការប្រឡងសញ្ញាបត្រ មធ្យមសិក្សាទុតិយភូមិឆ្នាំ២០១៩នេះ មានមណ្ឌលប្រឡងសរុបចំនួន ២០២ មណ្ឌល ក្នុងនោះថ្នាក់វិទ្យាសាស្ត្រមាន ៧៥ មណ្ឌល និងថ្នាក់វិទ្យាសាស្ត្រសង្គម មាន១២៧ មណ្ឌលមាន៤៧២៥ បន្ទប់៕
