អាពាហ៍ពិពាហ៍ ឱក សុគន្ធកញ្ញា និងលោកអ៊ឹង សុខលី ប្រព្រឹត្តទៅនៅថ្ងៃនេះ
សារព័ត៌មាន Cambodia News/
កម្សាន្ត (១៦ ឧសភា ២០១៩) កាលពីរសៀលថ្ងៃទី១៥ ខែឧសភា ឆ្នាំ២០១៩ កញ្ញា ឱក សុគន្ធកញ្ញា តារាចម្រៀងដ៏ល្បីឈ្មោះ ប្រចាំផលិតកម្មហង្សមាស លោកអ៊ឹង សុខលី អ្នកគ្រប់គ្រងទូរទស្សន៍ហង្សមាស បានចូលរោងសូត្រមន្ត ដោយមានការចូលរួមពីមន្ត្រីជាន់ខ្ពស់រាជរដ្ឋាភិបាល រួមទាំងតារាល្បីៗជាច្រើនចូលរួមផងដែរ។
អាពាហ៍ពិពាហ៍ កញ្ញា ឱក សុគន្ធកញ្ញា និងលោកអ៊ឹង សុខលី នៅថ្ងៃទី១៦ ខែឧសភា ឆ្នាំ២០១៩នេះ មានការអញ្ជើញចូលរួមពីសម្ដេចតេជោ ហ៊ុន សែននាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន។
កញ្ញា ឱក សុគន្ធកញ្ញា នៅឆ្នាំ២០១៩ នេះ មានអាយុ៣២ឆ្នាំ កញ្ញា បានសម្រេចចិត្តយកលោកអ៊ឹង សុខលី អ្នកគ្រប់គ្រងទូរទស្សន៍ហង្សមាស ធ្វើជាស្វាមី។ លោកសុខលី ត្រូវជាប្អូនថៅកែហង្សមាស លោកឧកញ៉ាអ៊ឹង ឆៃងួន៕
