ភ្លៀងកក់ខែ ធ្លាក់ក្នុងកម្រិតបង្គួរនឹងកើតមានចាប់ពីថ្ងៃទី១១ដល់១៧ ខែមេសា
សារព័ត៌មាន Cambodia News/
ភ្នំពេញ (៩ មេសា ២០១៩) ៖ ក្រសួងធនធានទឹកនិង ឧតុនិយមបានអោយដឹងនៅថ្ងៃទី៩ខែមេសាឆ្នាំ២០១៩ថា ភ្លៀងកក់ខែ ធ្លាក់ក្នុងកម្រិតបង្គួរនឹងកើតមានជាថ្មីចាប់ពីថ្ងៃទី១១ដល់ថ្ងៃទី១៧ខែមេសា ដោយធ្លាក់ក្នុងក្របខណ្ឌស្ទើរទូទាំងប្រទេស ព្រមពេលជាមួយនឹងភ្លៀងធ្លាក់នៅពេល រសៀលនិងយប់នេះមានមកជាមួយនូវរន្ទះនិងខ្យល់កន្ត្រាក់ ត្រូវប្រុងប្រយ័ត្នខ្ពស់ ក្នុងពេលមេឃរកលធ្លាក់ភ្លៀង។
ភ្លៀងកក់ខែនេះកើត ឡើងដោយសារជ្រលងសម្ពាធទាបរុញមកពីប្រទេសថៃ ជួបប្រសព្វនឹងសម្ពាធទាប(ខ្យល់កម្ពស់ក្រោម៥០០ម៉ែត្រលើផែនដី)រុញមកពីសមុទ្រចិនខាងត្បូង(កើត)នៅលើ ប្រទេសកម្ពុជាបង្កឲ្យមានភ្លៀងធ្លាក់ពីថ្ងៃទី១១ដល់ថ្ងៃទី១៣ខែមេសា នៅតំបន់ខ្ពង់រាបភាគខាងជើងរុញចុះមកតំបន់ទំនាបកណ្តាលភាគខាងត្បូង រហូតដល់តំបន់មាត់សមុទ្រនិងមានភ្លៀងធ្លាក់ក្នុងកម្រិតបង្គួរ នៅតំបន់ជួរព្រំដែនកម្ពុជា វៀតណាម អំឡុងពីថ្ងៃទី១៣ដល់ថ្ងៃទី១៧ខែមេសា៕
