មនុស្ ស១៥នាក់ត្រូវបានសម្លាប់ដោយក្រុមសកម្មប្រយុទ្ធធ្វើការវាយប្រហារសណ្ឋាគារនៅកេនយ៉ា
សារព័ត៌មាន Cambodia News/
កេនយ៉ា (១៦ មករា ២០១៩) ៖ យ៉ាងហោចណាស់មនុស្ស១៥នាក់ត្រូវបានសម្លាប់ដោយក្រុមសកម្មប្រយុទ្ធធ្វើការវាយប្រហារនៅសណ្ឋាគារប្រណីតមួយនៅទីក្រុងណៃរ៉ូប៊ី ប្រទេសកេនយ៉ាកាលពីថ្ងៃអង្គារទី១៥ខែមករា ដោយរួមមានជនជាតិអាមេរិកម្នាក់ផងដែរ។
ការបាញ់កាំភ្លើងនិងបំផ្ទុះគ្រាប់បែកត្រូវបានគេឮនៅសង្កាត់ Westlands នៃទីក្រុងនេះ ជាទីដែលសណ្ឋាគារDusitD2នេះ និងអគារការិយាល័យស្ថិតនៅ។
ក្រុមជនសកម្មប្រយុទ្ធal-Shabab ដែលមានមូលនៅប្រទេសសូម៉ាលី បាននិយាយថា ខ្លួនបានស្ថិតនៅពីក្រោយការវាយប្រហារនេះនិងថាការវាយប្រហារនេះសម្លាប់មនុស្ស៤៧នាក់ឯណោះ តែមិនបានផ្តល់ព័ត៌មានលម្អិតទេ។
មនុស្សច្រើននាក់ដែលបានរងរបួសត្រូវបាននាំចេញពីកន្លែងវាយប្រហារដោយប៉ូលិស។មនុស្សជិត៣០នាក់ បានរងរបួសក្នុងការវាយប្រហារនេះ។
លោក Joseph Boinnet មេប៉ូលិសបាននិយាយប្រាប់ក្រុមអ្នកយកព័ត៌មានថា ក្នុងការវាយប្រហារនេះក្រុមជនប្រដាប់អាវុធនេះ បានបំផ្ទុះគ្រាប់បែកបង្កប់ក្នុងរថយន្តជាច្រើនគ្រឿងនៅនៅចំណតរថយន្តនៃសណ្ឋាគារនេះ នៅមុនពេលវាយសម្រុកចូលក្នុងសណ្ឋាគារជាទីដែលអ្នកវាយប្រហារអត្តឃាតម្នាក់ បានបំផ្ទុះគ្រាប់បែក៕
