គ.ជ.ប ចេញលទ្ធផលផ្លូវការសវនាការជំនុំជម្រះសំណុំរឿងយុទ្ធនាការម្រាមដៃស្អាតនៅខេត្តបាត់ដំបង

សារព័ត៌មាន​ Cambodia News/

រាជធានីភ្នំពេញ (៩ សីហា ២០១៨) ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅល្ងាចថ្ងៃទី០៨ ខែសីហា ឆ្នាំ២០១៨ម្សិលមិញនេះ បានចេញសេចក្តីប្រកាសព័ត៌មានអំពីលទ្ធផលនៃសវនាការ ជំនុំជម្រះសំណុំរឿងយុទ្ធនាការម្រាមដៃស្អាត នៅខេត្តបាត់ដំបង ដោយក្នុងនោះក្រុមប្រឹក្សាជំនុំជម្រះគ.ជ.ប បានសម្រេចតម្កល់ការផាកពិន័យ១០លានរៀល ទៅលើឈ្មោះ ​ជា ជីវ (អតីតតំណាងរាស្រ្ត) ប៉ុន្តែបន្ធូរបន្ថយការផាកពិន័យចំពោះបុគ្គល២រូប និងលើកលែងការផាកពិន័យចំពោះបុគ្គល២រូបផ្សេងផងដែរ។

តាមសេចក្តីប្រកាសព័ត៌មានរបស់ គ.ជ.ប បានឱ្យដឹងថា បន្ទាប់ពីបញ្ចប់សវនាការនៅថ្ងៃទី០៨ ខែសីហា ឆ្នាំ២០១៨នេះ ក្រុមប្រឹក្សាជំនុំជម្រះគ.ជ.ប បានធ្វើការសម្រេចដូចតទៅ៖

១៖ ឈ្មោះ ជា ជាវ ដែលជាអតីតតំណាងរាស្រ្ត របស់អតីតគណបក្សសង្រ្គោះជាតិ ត្រូវផាកពិន័យ១០លានរៀលដដែល

២៖ ឈ្មោះ ថោង សារឿន និង ឈ្មោះ គ្រុយ គឹមសាំង ត្រូវបានបន្ធូរបន្ថយការផាកពិន័យពី១០លានរៀល មកនៅត្រឹម៥លានរៀល

៣៖ ចំណែកឈ្មោះ ម៉ាង ឈុន និងឈ្មោះ ពៅ តាំង ត្រូវបានលើកលែងការផាកពិន័យ។

សូមជម្រាបថា បើតាមការបញ្ជាក់ពីមន្រ្តី គ.ជ.ប បានឱ្យដឹងថា ការសម្រេចនេះ គឺដោះស្រាយតែបណ្តឹងពាក់ព័ន្ធនឹងតួនាទីរបស់ គ.ជ.ប ប៉ុណ្ណោះ ប៉ុន្តែចំពោះសំណុំរឿងព្រហ្មទណ្ឌផ្សេងទៀត សម្រាប់បុគ្គលទាំងនោះ មិនមែនជាតួនាទីរបស់ គ.ជ.ប ទេ៕

ខាងក្រោមនេះជាសេចក្តីប្រកាសទាំងស្រុងរបស់គ.ជ.ប៖