បាក់ឌុប២០១៨ ក្រសួងត្រៀមជ្រើសរើស សិស្សអាហារូបករណ៍ជាង ៨ ០០០នាក់
សារព័ត៌មាន Cambodia News/
ភ្នំពេញ ៖ តាមសេចក្ដីជូនដំណឹងរបស់ក្រសួងអប់រំ យុវជន និងកីឡា បានបញ្ជាក់កែប្រែ កាលបរិច្ឆេទ និងចំនួនសិស្សអាហារូបករណ៍ ដែលនឹងត្រូវប្រលងជ្រើសរើស ឱ្យចូលរៀនថ្នាក់បរិញ្ញាបត្រ នៅតាមគ្រឹះស្ថានឧត្ដមសិក្សា សម្រាប់ ឆ្នាំសិក្សា ២០១៨-២០១៩។
ចំនួនអាហារូបករណ៍នេះ សរុប ៨ ៧២១នាក់ ក្រសួងអប់រំ យុវជន និងកីឡាបាន នឹងធ្វើការបែកចែកសម្រាប់សិស្សទូទៅ ចំនួន ៥ ៣៤៧នាក់ សិស្សអាទិភាពនារី ចំនួន ១ ២០១ សិស្សអាទិភាពក្រីក្រចំនួន ១ ៦១៦ និងសិស្សអាទិភាពតំបន់ជួបការលំបាក ចំនួន ៥៥៧នាក់។
សកលវិទ្យាល័យ និងវិទ្យាស្ថាន ដែលបេក្ខជនអាចជ្រើសរើសឲ្យចូលសិក្សាសរុបចំនួន៣៨ គឺគ្រឹះស្ថានសិក្សាសាធារណៈ ចំនួន១៨ និងគ្រឹះស្ថានឧត្ដមសិក្សាឯកជន ចំនួន២០។
សេចក្ដីប្រកាសដដែល បានបញ្ជាក់ថា កាលបរិច្ឆេទ នៃការប្រលងតាមគ្រឹះស្ថានឧត្ដមសិក្សា ដែលសាមីខ្លួនបានស្នើសុំលើមុខជំនាញទាមទារប្រឡងបានប្ដូរពី ថ្ងៃទី៩ ខែតុលា ឆ្នាំ២០១៨ ទៅ ថ្ងៃទី១៣ ខែតុលា ឆ្នាំ២០១៨៕
