ដោយសារតែលុយ៣០០០រៀល កូនស្រីកាប់សម្លាប់ឪពុកបង្កើត
សារព័ត៌មាន Cambodia News/
ភ្នំពេញ ៖ កូនស្រីបង្កើតបានយកកាំបិតកាប់ទៅលើឪពុករបស់ខ្លួនបណ្តាលអោយស្លាប់នៅក្នុងថ្លុកឈាមយ៉ាងអាណោចអធម នៅវេលាម៉ោង៤និង៣០នាទីរសៀលថ្ងៃទី៥ ខែមេសា ឆ្នាំ២០១៨ នៅភូមិល្វាសកណ្តាល ឃុំល្វាស ស្រុកល្វាឯម ខេត្តកណ្តាល ដោយសារតែលុយ ៣០០០រៀល។
ជនរងគ្រោះឈ្មោះ ឯម រឿន ភេទប្រុសអាយុ៦៦ឆ្នាំ ត្រូវជាឪពុកបង្កើតជនសង្ស័យ។ ចំណែកជនសង្សយ័ឈ្មោះ ឃុត ចាន់នី អាយុ៣១ឆ្នាំភេទស្រី ត្រូវជាកូនបង្កើតរបស់ជនរងគ្រោះ។
ដើមហេតុនៃការសម្រេចចិត្ត ទាញកាំបិតមកសម្លាប់ឪពុកបង្កើតខ្លួនឯងនេះក៏ដោយសារក្រោយពីនាងមកពីលក់ឆៃថាវវិញពេលដល់ផ្ទះក៏រាប់លុយហើយក៏ រាប់ទៅបាត់ ៣.០០០រៀល គិតថាមានតែឪពុកទេអ្នកយក។ ពេលឪពុកមកពីកន្លែងកាត់សក់វិញនាងចាន់នី ក៏ស្ទុះទៅយកកាំបិតផ្គាក់មកកាប់ឪពុកស្លាប់ភ្លាមនៅក្រោមផ្ទះតែម្តង។
ក្រោយពេលមន្ត្រីប៉ុស្តិ៍រដ្ឋបាលល្វាសទទួលបានព័ត៌មានពីប្រជាពលរដ្ឋក្បែរខាង កម្លាំងក៏ចុះដល់កន្លែងកើយហេតុ និងស្វែងរកចាប់បានជនសង្សយ័រួចបញ្ជូនមកប៉ុស្តិ៍ ដើម្បីកសាសំណុំរឿងតាមនីតិវិធីច្បាប់៕
