សម្តេចតេជោ ហ៊ុន សែន ផ្ដាំផ្ញើឱ្យក្រុមគ្រូពេទ្យទាំងអស់ បង្កើនក្រមសីលធម៌ វិជ្ជាជីវៈ
សារព័ត៌មាន Cambodia News/
ភ្នំពេញ (០២ មីនា ២០១៨) ៖ ខណៈអញ្ជើញជួបសំណេះសំណាលជាមួយក្រុមគ្រូពេទ្យ នៃសមាគមគ្រូពេទ្យស្ម័គ្រចិត្តយុវជនសម្តេចតេជោ ហៅកាត់ថា (ស.គ.យ.ត) ឬ TYDA នៅសាលមហោស្រពកោះពេជ្រ រាជធានីភ្នំពេញ នៅថ្ងៃទី២ ខែមីនា នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅតែក្រើនរម្លឹកឱ្យក្រុមគ្រូពេទ្យទាំងអស់ ខិតខំយកចិត្តទុកដាក់បង្កើនក្រមសីលធម៌ វិជ្ជាជីវៈឱ្យបានល្អ ដើម្បីចៀសឆ្ងាយពី ការរិះ គន់ ពីមហាជន។
សម្តេច បន្ថែមថា ក្នុងនាមជាគ្រូពេទ្យម្នាក់មិនអាចទុកឲ្យអ្នកជំងឺ ណាស្លាប់ ដោយអះអាងថា ជំងឺនោះខ្លួនមិនមានសមត្ថភាពព្យាបាលនោះទេ ពោលគឺត្រូវតែបញ្ជូនអ្នកជំងឺទៅរកមន្ទីរពេទ្យណាដែលមានឧបករណ៍គ្រប់គ្រាន់ ឬ ក៏មានគ្រូពេទ្យដែលមានសមត្ថភាពខ្ពស់ជាង ដើម្បីជួយសង្គ្រោះជីវិតមនុស្ស៕
