ឯកឧត្តម ខៀវ កាញារី ៖ នគរបាលយើងមិនដឹងថា តើបង្ហោះអ្វីខ្លះខុសវិជ្ជាជីវៈ អ្វីខ្លះខុសសីលធម៌
សារព័ត៌មាន Cambodia News/
ភ្នំពេញ (២៨ ធ្នូ ២០១៧) ៖ ក្រោយសង្កេតឃើញមន្រ្តីនគរបាល ជាច្រើនបង្ហោះរូបភាពខុសវិជ្ជាជីវៈ និងសីលធម៌នៅតាមបណ្ដាញ ទំនាក់ទំនងសង្គម ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន នៅថ្ងៃទី២៨ ខែធ្នូ ឆ្នាំ២០១៧នេះ បានលើកឡើងថា នគរបាលយើងចេះ តែបង្ហោះរូបយកសង្ហា តែមិនដឹងថា តើបង្ហោះអ្វីខ្លះខុសវិជ្ជាជីវៈ អ្វីខ្លះខុសសីលធម៌ទេគួរស្វែងយល់ ព្រោះកំហុសឆ្គងរបស់ខ្លួនម្នាក់ ប៉ះពាល់វិជ្ជាជីវៈរួម ។
នេះជាការលើកឡើងរបស់ ឯកឧត្តម ខៀវ កាញារី រដ្ឋមន្ត្រីក្រសួងព័ត៌មាន តាមបណ្ដាញទំនាក់ទំនងសង្គមហ្វេសប៊ុករបស់ឯកឧត្តម។
ទោះបីជាយ៉ាងណា ឯកឧត្តម រដ្ឋមន្រ្តី មិនបានភ្ជាប់រូបភាពមន្រ្តីនគរបាលយ៉ាងម៉េចនោះទេ ប៉ុន្តែការឡើងរបស់លោកនេះ ស្របពេលដែលអគ្គស្នងការនគរបាលជាតិ បានរៀបចំមហាសន្និបាត សមាគមមិត្តនគរបាលជាតិកម្ពុជា អាណត្តិទី៤ នៅថ្ងៃទី២៨ ខែធ្នូ ឆ្នាំ២០១៧៕
