បុរសម្នាក់បើករថយន្តសេរីទំនើបបុករះម៉ូតូ៦គ្រឿង ឡានមួយគ្រឿង
សារព័ត៌មាន Cambodia News/
ភ្នំពេញ (១២ ធ្នូ ២០១៧) ៖ បុរសម្នាក់បើករថយន្តសេរីទំនើបមួយគ្រឿង ម៉ាក Mercedes បុករះតូបលក់អាហារពេលយប់ និងម៉ូតូ៥គ្រឿង ព្រមទាំងរថយន្តមួយគ្រឿងផងដែរ ដែលបង្កឲ្យខូចខាតស្ទើរតែទាំងអស់ តែពុំមានអ្នករងរបួសដល់អាយុជិវីតទេ។ ករណីនេះកើតឡើងនៅម៉ោងប្រមាណជាង១០យប់ថ្ងៃទី១១ ខែធ្នូ ឆ្នាំ២០១៧ តាមបណ្តោយផ្លូវ២៧១ ជិតវត្តសន្សំកុសល។
តាមប្រភពព័ត៌មានបានឲ្យដឹងថា គ្រោះចរាចរណ៍មួយនេះបង្កឡើង ដោយបុរសម្នាក់បើករថយន្តសេរីទំនើបមួយគ្រឿង ម៉ាក Mercedes ពណ៌ខ្មៅ ពាក់ស្លាកលេខភ្នំពេញ 2AV-3838 តាមបណ្តោយផ្លូវ២៧១ លុះបើកមកជិតដល់វត្តសន្សំកុសល បុរសខាងលើបានបើករថយន្តទៅបុករះតូបលក់អាហារពេលយប់ និងម៉ូតូ៥គ្រឿង ព្រមទាំងរថយន្តមួយគ្រឿងផងដែរ ដែលបង្កឲ្យខូចខាតស្ទើរតែទាំងអស់។
បន្ទាប់ពីបើកបុករួចបុរសដែលបើករថយន្តបង្ក ត្រូវបានសមត្ថកិច្ច ឃាត់យកចេញពីកន្លែងកើតហេតុ ជៀសវាងការប្រើអំពើហង្សាពីប្រជាពលរដ្ឋដែលនៅកន្លែង កើតហេតុនោះ។ ក្រោយកើតហេតុអ្នកបើកបររួមជាមួយវត្ថុតាង ត្រូវបានសមត្ថកិច្ចនាំយកទៅការិយានគរបាលល័យចរាចរណ៍ផ្លូវគោក នៃស្នងការដ្ឋាននគបានក្រុងភ្នំពេញដើម្បីដោះស្រាយគ្នាទៅតាមផ្លូវច្បាប់៕
