ឃាត់ខ្លួនអ្នកកាសែតម្នាក់ក្រោមបទចោទកំហែងយកប្រាក់ពីអ្នកដឹកគ្រែលក់
សារព័ត៌មាន Cambodia News/
សៀមរាប (២៥ កញ្ញា ២០១៧) ៖ អ្នកកាសែតម្នាក់ ត្រូវបានកម្លាំងនគរបាលប៉ុស្ដិ៍ខ្វាវ ស្រុកជីក្រែង ធ្វើការចាប់ខ្លួនភ្លាមៗកាលពីវេលាម៉ោង២០និង១០នាទី ថ្ងៃទី២៤ ខែកញ្ញា ឆ្នាំ២០១៧ ស្ថិតនៅតាមផ្លូវលំ ក្នុងភូមិស្រោង ឃុំខ្វាវ ស្រុកជីក្រែង ខេត្តសៀមរាប ខណៈពេលកាក់រ៉ឺម៉កដឹកគ្រែជំរិតយកលុយ។
ប្រភពព័ត៌មានពីនគរបាលប៉ុស្ដិ៍ខ្វាវ ស្រុកជីក្រែងបានឲ្យដឹងថា អ្នកកាសែតដែលត្រូវសមត្ថកិច្ចឃាត់ខ្លួនគឺមានឈ្មោះ អ៊ុ ហុងភេទប្រុស អាយុ៥៦ឆ្នាំ មានទីលំនៅភូមិសក្ដដា ឃុំបឹងមាលា ស្រុកស្វាយលើ ខេត្តសៀមរាប កាន់ប័ណ្ណសារពត៌មាន យុវជនថ្មីដែលហួសសុពលភាព ។
ប្រភពព័ត៌មានដដែលបានបញ្ជាក់ថា មុនពេលឃាត់ខ្លួនគេបានឃើញអ្នកកាសែតរូបកាន់ប័ណ្ណសារពត៌មានយុវជនថ្មីដែលហួសសុពលភាព ឈរជំរិតទាប្រាក់ ពីប្រជាពលរដ្ឋជិះរ៉ឺម៉កដឹកគ្រែ។ ពេលនោះកម្លាំងយើងបានឃាត់ខ្លួនធ្វើការសាកសួរហើយបញ្ជូនមកអធិការនគរបាលស្រុកតែម្តង៕
