ស្នេហាប្រុសស្រឡាញ់ប្រុស តួឯកប្រុសស៊ីដាចម៉ូតូបុរសជាតួឯកស្រី
សារព័ត៌មាន Cambodia News/
ភ្នំពេញ (០៥ កក្កដា ២០១៧) ៖ ស្នេហាប្រុសស្រឡាញ់ប្រុស ខណៈឌុបគ្នាទៅរកផ្ទះសំណាក់ តួប្រុសធ្វើជាស្រីរវល់ចូលទៅសួរតម្លៃ ក៏ត្រូវតួប្រុសជិះម៉ូតូយកទៅបាត់ស្រមោល ក៏រត់មកដាក់ពាក្យបណ្តឹងនៅនគរបាលប៉ុស្តិ៍ទន្លេបាសាក់។
ហេតុការណ៍នេះបង្កការភ្ញាក់ផ្អើល កាលពីវេលាម៉ោង៤ និង៣០នាទីរសៀលថ្ងៃទី០៤ កក្កដា ស្ថិតនៅនគរបាលប៉ុស្តិ៍ទន្លេបាសាក់ ខណ្ឌចំការមន ក្រោយពីពួកគេទាំង២នាក់ទាក់ទងគ្នាតាមឆាត និងបានជួបមុខគ្នា ។
ប្រភពពីមន្ត្រីនគរបាលម្នាក់ឱ្យដឹងថា បុរសរងគ្រោះខាងលើ ឈ្មោះជា ជ័យវឌ្ឍនៈ អាយុ២០ឆ្នាំ ជាបុគ្គលិកឯកជន ស្នាក់នៅផ្ទះលើផ្លូវលេខ៤២៨ ក្នុងសង្កាត់បឹងត្របែក ខណ្ឌចំការមន ។
នៅមុនពេលកើតហេតុនោះ បុរសរងគ្រោះនិងជនសង្ស័យបានស្គាល់គ្នាតាមឆាតហ្វេសប៊ុក ដោយមានឈ្មោះពិសិដ្ឋ អាយុ២៥ឆ្នាំ និងបានណាត់ជួបគ្នានៅម៉ាតតេឡាក្បាលថ្នល់ ដោយរូបគេជិះម៉ូតូម៉ាកស្គូពី ពណ៌ស ពាក់ស្លាកលេខភ្នំពេញ១AT-៦៥០៧ មួយគ្រឿង តែម្នាក់ឯងទៅជួប ។
ក្រោមមកពួកគេទាំងពីរនាក់បានឌុបគ្នាទៅផ្ទះសំណាក់ បុរសជាតួឯកប្រុសនៅអង្គុយលើម៉ូតូ ហើយបុរសជាតួឯកស្រី (ជនរងគ្រោះ) ចុះទៅសួរតម្លៃផ្ទះសំណាក់ ដោយកំពុងតែសួរនាំ ក៏ស្រាប់តែបុរសម្នាក់នោះជិះម៉ូតូយកទៅបាត់ស្រមោលតែម្តង ៕
