ផឹកស្រាស្រវឹងទាញព្រនុងវាយក្បាលឪពុករបួសធ្ងន់
សារព័ត៌មាន Cambodia News/
ព្រៃវែង (០៦ មិថុនា ២០១៧) ៖ កូនតិរិច្ឆានផឹកស្រាស្រវឹង ហើយយកព្រនង់ វាយក្បាលឪពុកបណ្តាលឲ្យរងរបួសធ្ងន់កាលពីវេលាម៉ោង៤ និង៣០នាទី ថ្ងៃទី៥ ខែឧសភា ឆ្នាំ២០១៧ ស្ថិតក្នុងភូមិឫស្សីជុក ឃុំបន្ទាយចក្រី ស្រុកព្រះស្ដេច ខេត្តព្រៃវែង។
សមត្ថកិច្ចបានឲ្យដឹងថា ជនសង្ស័យជាកូន ឈ្មោះ ផូ វង្ស អាយុ២២ឆ្នាំ រស់នៅភូមិ-ឃុំកើតហេតុ បានវាយនិងប្រនុងឈើប្រេងខ្យល់ទំហំ៥សង្ទីរម៉ែត្រ ប្រវែង៧០សង្ទីរ ម៉ែត្រវាយទៅលើ ឪពុកបង្កើត ឈ្មោះ ផូ អុល អាយុ៥៩ឆ្នាំ បណ្ដាលឲ្យរងរបួសក្បាលមួយកន្លែងដេរ ៥ថ្នេរ មូលហេតុផឹកស្រាស្រវឹង។
យ៉ាងណាក៏ដោយ សមត្ថកិច្ចអះអាងថា កូនតិរច្ឆានម្នាក់នេះ ធ្លាប់ធ្វើសកម្មភាពអុកឡុក ធ្វើបាប ឪពុក ម្ដាយជាញឹកញាប់ ឲ្យតែស្រវឹងម្តងៗ៕
