ប្រព័ន្ធផ្សព្វផ្សាយមួយចំនួនពេលខ្លះរាយការណ៍បន្ថែមបន្ថយឬក្លែមសំដី
សារព័ត៌មាន Cambodia News/
ភ្នំពេញ (០២ មិថុនា ២០១៧) ៖ ថ្លែងក្នុងសិក្ខាសាលាផ្សព្វផ្សាយអំពើហិង្សាលើស្ត្រី និងការប្រើប្រាស់អក្ខរាវិរុទ្ធនាព្រឹកថ្ងៃទី២ ខែឧសភា ឆ្នាំ២០១៧ នាទីស្តីការក្រសួង ឯកឧត្តម អ៊ុក ប្រាថ្នា រដ្ឋលេខាធិការក្រសួងព័ត៌មានបានឲ្យដឹងថា ប្រព័ន្ធផ្សព្វផ្សាយនៅក្នុងប្រទេសកម្ពុជាមួយចំនួនមិនទាន់ឆ្លើយតប ឬផ្តល់ព័ត៌មានដែលកើតមានបញ្ហាផ្សេងនោះទេ ។
ឯកឧត្តមបានបន្តថា ស្ថានភាពបច្ចុប្បន្ននេះប្រព័ន្ធផ្សព្វផ្សាយព័ត៌មានរបស់យើងបានដើរតួយ៉ាងសំខាន់តែក៏មានមួយចំនួនមិនទាន់ឆ្លើយតបនូវបញ្ហាទាំងនេះមានដូចជា ការរាយការណ៍មិនបានស្គាល់អត្តសញ្ញាណ អនីតិជនដែលរងគ្រោះដោយអំពើរំលោភបំពានរាងកាយ បង្ហាញឬអត្ថាធិប្បាយពីភាពរន្ធត់ អំពើជនរងគ្រោះថ្នាក់ផ្សេងៗ ឬក៏ទំលាក់កំហុសដោយចេតនាឬអចេតនាទៅជនរងគ្រោះជាស្ត្រីជាដើម ។
ជាមួយគ្នានោះដែរឯកឧត្តម បានលើកឡើងថា អ្វីដែលរាជរដ្ឋាភិបាលក៏ដូចជាក្រសួងព័ត៌មានចង់បានការរាយការណ៍ ឬផ្តល់ព័ត៌មានសប្បូបែប ។ លោកថា ក្រសួងចង់ឲ្យមានការចូលរួមកែទម្លាប់មិនល្អចេញពីសង្គមដែលបញ្ហាទាំងមូលផ្តើមចេញពីអ្នករាយការណ៍ព័ត៌មាន ពិធីករ ពិធីការរិនី វិទ្យុ ទូរទស្សន៍ ដែលពេលខ្លះរាយការណ៍បន្ថែមបន្ថយ ៕
