ស្លាប់៤នាក់ និងរបួស៣នាក់ក្នុងគ្រោះថ្នាក់ចរាចរណ៍ម្សិលមិញ
សារព័ត៌មាន Cambodia News/
ភ្នំពេញ ៣១ មីនា ២០១៧) ៖ នៅថ្ងៃទី៣០ ខែមីនា ឆ្នាំ២០១៧ម្សិលមិញនេះមានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៦លើក បណ្ដាលឲ្យមនុស្សស្លាប់៤នាក់ របួសធ្ងន់២នាក់ និងរបួសស្រាល១នាក់។ នេះបើយោងតាមរបាយការណ៍នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
របាយការណ៍ដដែលបញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍៦លើកនេះ បណ្ដាលឲ្យខូតខាតម៉ូតូ ចំនួន៣គ្រឿង រថយន្ដធុនតូចចំនួន២គ្រឿង រថយន្ដធុនធំ២គ្រឿង និងអ្នកថ្មើរជើង២នាក់។ មូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍ រួមមានល្មើសល្បឿន៤លើក, ស្រវឹង១លើក, និងមិនប្រកាន់ស្ដាំលើក។
ដោយឡែកក្នុងរយៈពេល៣០ថ្ងៃចាប់ពីថ្ងៃទី០១ រហូតដល់ថ្ងៃទី៣០ ខែមីនា ឆ្នាំ២០១៧ មានករណីគ្រោះថ្នាក់ចរាចរណ៍កើតឡើង ចំនួន៣១២លើក បណ្ដាលឲ្យមនុស្សស្លាប់១៦២នាក់ របួសធ្ងន់ចំនួន២៩៧នាក់ និងរងរបួសស្រាល១៦០ចំនួននាក់៕
