ក្រសួងអប់រំចេញវិធានការទប់ស្កាត់មុនទិវាបុណ្យនៃក្ដីស្រលាញ់មកដល់
សារព័ត៌មាន Cambodia News/
ភ្នំពេញ (០៦ កុម្ភ៖ ២០១៧) ៖ ក្រសួងអប់រំយុវជន និងកីឡា បានចេញសេចក្ដីណែនាំពីវិធានការ ទប់ស្កាត់សកម្មភាពមិនប្រក្រតី ក្នុងទិវាបុណ្យនៃក្ដីស្រលាញ់ (Valentine’s Day) នៅតាមសាលារៀន រដ្ឋ ក៏ដូចជា ឯកជន។
សេចក្ដីណែនាំរបស់ក្រសួងទាំង ៤ចំណុចជូនទៅដល់ គ្រឹះស្ថានសិក្សាសាធារណៈ និងឯកជននោះមានដូចតទៅ៖
១. ត្រូវផ្សព្វផ្សាយ ដល់សិស្សានុសិស្សតាមគ្រប់មធ្យោបាយ ដូចជាតាមរយៈការប្រជុំនៅពេលគោរពទង់ជាតិ កុំឲ្យមានការយល់ខុសអំពីអត្ថន័យនៃ ទិវាបុណ្យនៃក្ដីស្រលាញ់
២. ត្រូវពង្រឹងការអនុវត្ត បទបញ្ជាផ្ទៃក្នុងរបស់គ្រឹះស្ថានសិក្សាសាធារណៈ ឲ្យម៉ឺងម៉ាត់ ជាពិសេសលើការគ្រប់គ្រងសីលធម៌ និងវិន័យ ដោយតាមដានអវត្តមាន របស់សិស្សានុសិស្សជាប្រចាំ
៣. ត្រូវជំរុញដំណើរការរបស់ក្រុមប្រឹក្សាយុវជន ក្រុមប្រឹក្សាកុមារប្រចាំសាលា ដោយអនុវត្តសកម្មភាព “មិត្តអប់រំមិត្ត”
៤. ត្រូវធ្វើទំនាក់ទំនង ជិតស្និទ្ធជាមួយមាតាបិតា អាណាព្យាបាលសិស្ស គមនាគមន៍ ដើម្បីសហការគ្នា អប់រំ ណែនាំកែលម្អ សិស្សានុសិស្សបានទាន់ពេលវេលា៕
