សម្តេចហ៊ុន សែន ឆ្លើយតបទៅអ្នកលេងហ្វេសប៊ុកថា កម្ពុជាអត់មានអ្នកទោសនយោបាយទេ
សារព័ត៌មាន Cambodia News/
ភ្នំពេញ (០៣ មករា ២០១៦) ៖ សម្តេចតេជោ ហ៊ុន សែន បានសរសេរ comment ទៅម្ចាស់គណនីហ្វេសប៊ុកឈ្មោះ Pheara JP កាលពីរសៀលថ្ងៃទី០២ ខែមករា ម្សិលមិញយ៉ាងដូច្នេះថា “សូមក្មួយមើលឱយច្បាស់ នៅកម្ពុជាអត់មានអ្នកទោសនយោបាយទេ មានតែអ្នកនយោបាយ ប្រព្រឹត្តខុសច្បាប់ ហើយជាប់ទោសទៅតាមច្បាប់។ គុកសំរាប់ដាក់អ្នកមានទោស។ នៅស្រុក ខ្មែយើងមានអ្នកនយោបាយច្រើនណាស់ ហេតុអីបានអ្នកនោះមិនជាប់គុក? មកពីគេអត់ធ្វើអ្វី ខុសច្បាប់បានអត់ជាប់គុក។ ចំណុចនេះកាន់តែបង្ហាញថា កម្ពុជាអត់មានអ្នកទោសនយោ បាយទេ តែមានអ្នកនយោបាយ ធ្វើខុសច្បាប់ហើយជាប់គុក”។
សូមជម្រាបថា ការបញ្ជាក់របស់សម្តេចតេជោ ហ៊ុន សែន នាយករដ្ឋមន្ត្រី គឺជាការឆ្លើយតបតាមរយៈ Comment នៅលើ Facebook របស់សម្តេចបន្ទាប់ពីមានគណនីហ្វេសប៊ុក ឈ្មោះ Pheara JP បានសរសេរថា “សូមលោកពូជួយធ្វើបុណ្យចែកទានដល់ក្រុមគ្រួសារខ្មែរ ទាំងអស់ ពិសេសទៅទៀត ព្រះយេសូវគ្រីស និងប្រទានពរលោកពូនិង…ឲ្យលោកពូបានដោះលែងអ្នកទោសនយោបាយទាំងអស់ ឲ្យបានទៅជួបជុំក្រុមគ្រួសារប្តី ប្រពន្ធកូនចៅគេ ដែលបានកំពុងយំខ្លោចចិត្ត នឹងកំពុងរង់ចាំអ្នជាទីស្រលាញ់វិញផង ក្នុងឱកាសដ៏ពិសេសនេះ។ សេចក្តីមេត្តាករុណា និងការអភ័យទោសអោយគ្នា ទៅវិញទៅមកជាបញ្ញតិរបស់ព្រះគ្រីស”៕
