ខឹងឪពុកស្តីបន្ទោស យកកាំបិតបុ័ងតោ កាប់ស្លាប់
សារព័ត៌មាន Cambodia News/
ក្រចេះ (២៤ ធ្នូ ២០១៦) ៖ យុវជនម្នាក់ត្រូវ បាននគរបាលស្រុកឆ្លូង ធ្វើការឃាត់ខ្លួន ថ្ងៃទី២៣ ខែធ្នូ ឆ្នាំ២០១៦ បន្ទាប់ខឹងឪពុកខ្លួនស្តីបន្ទោស រួចយកកាំបិតបុ័ងតោ កាប់ចំកណ្តាលដើមទ្រូងស្លាប់ក្រោយពេលបញ្ជូនទៅដល់មន្ទីពេទ្យ ។ ហេតុការណ៍កើតឡើងនៅចំណុចភូមិស្រែទ្រៀក ឃុំដំរីផុង ស្រុកឆ្លូង ខេត្តក្រចេះ។
បើតាមមន្ត្រីនគរបាល បានឲ្យដឹងថា ជនរងគ្រោះឈ្មោះ ស៊ុន ប៊ុនលាង អាយុ ៥៨ឆ្នាំ មានទីភូមិជើងឡង សង្កាត់សួង ក្រុងសួង ខេត្តត្បូងឃ្មុំ បច្ចុប្បន្នមកស្នាក់នៅលក់ដូរ និងធ្វើចំការនៅចំនុចកើតហេតុខាងលើ ត្រូវបានកូនបង្កើត យកកាំបិតបុ័ងតោកាប់ចំនួន ១កាំប៉ិតត្រូវចំពាក់កណ្តាលដើមទ្រូខណៈជនរងគ្រោះកំពុងដេកថ្ងៃនៅក្នុងផ្ទះ។
កូនប្រុសដែលកាប់ឪពុកខ្លួន ឈ្មោះ ស៊ុន សុធារ៉ា អាយុ ២៤ឆ្នាំ មានទីលំនៅចំណុចកើតហេតុខាងលើ។ ក្រោយពេលធ្វើសកម្មភាពជនបង្ករត្រូវបានកម្លាំងប៉ុស្តិ៍នគរបាលរដ្ឋបាលឃុំដំរីផុងធ្វើការឃាត់ខ្លួនបញ្ជូនមកអធិការដ្ឋាន ដើម្បីធ្វើកាសាកសួរ ហើយមូលហេតុជនបង្ករខឹងឪពុកដែលបានស្តីបន្ទោសរឿងមិនស្តាប់ដំបូន្មាន និងយកម៉ាស៊ីនបូមទឹកយកទៅលក់៕
