មន្ត្រីចូលនិវត្តន៍ថៃ១៨នាក់បានស្លាប់ ក្នុងហេតុការរថយន្តធ្លាក់ចូលជ្រោះ
សារព័ត៌មាន Cambodia News/
ថៃ (វិច្ឆិកា ២០១៦) ៖ ប្រភពព័តមានបានឲ្យដឹងថា ហេតុការណ៍នេះបានកើតឡើង កាលពីថ្ងៃអង្គារម្សិលមិញ ពោលគឺចំពេលដែលរថយន្តជួបគ្រោះធ្វើដំណើរនៅចំណុចមួយនៃភាគខាងជើងប្រទេសថៃ។ ជនរងគ្រោះគឺសុទ្ធតែជាអតីតមន្ត្រីធ្វើការនៅក្រុមហ៊ុន CAT Telecom របស់រដ្ឋ ដោយពួកគេធ្វើដំណើរប៉នប៉ងពីខេត្ត ទៅកាន់ក្រុងបាងកក បន្ទាប់ពីដើរកំសាន្តក្នុងថ្ងៃឈប់សម្រាក។
មេបញ្ជាការស្ថានីយ៍នគរបាល Uttaradit លោកឧត្តមសេនីយ៍ Ditsayadej Patcharapuwadol បាននិយាយថា « មនុស្ស១៨នាក់បានស្លាប់ ហើយ២០នាក់ទៀតរងរបួស ក្រោយពេលរថយន្តក្រុងមួយគ្រឿងបានធ្លាក់ចូលក្នុងជ្រោះជ្រៅ ដោយសារតែអ្នកបើកបរមិនសូវសុំានឹងការធ្វើដំណើរតាមផ្លូវបែបនេះ»
លោកបានបន្ថែមទៀតថា អ្នកបើកបរក៏បានបាត់បង់ជីវិតដែរ ក្នុងហេតុការណ៍ដែលបានកើតឡើង នៅស្រុក Muang នៃខេត្ត Uttaradit លើកនេះ។ « រថយន្តក្រុងពេលកំពុងធ្វើដំណើរទៅបាងកក ក៏បានធ្លាក់ចេញពីផ្លូវ នៅពេលដែលវាបានបុកនឹងបារ៉ាស់មួយហើយធ្លាក់ចុះជ្រោះជម្រៅ៥០ម៉ែត្រ»៕
