ស្លាប់៤នាក់ របួសធ្ងន់ស្រាល៩នាក់ គ្រោះថ្នាក់ចរាចរណ៍ថ្ងៃទី១២ ខែតុលា
សារព័ត៌មាន Cambodia News/
ភ្នំពេញ (១៥ តុលា ២០១៦) ៖ ករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន ៦លើក ( យប់ ៣លើក ) បណ្តាលឲ្យមនុស្សស្លាប់ ៤នាក់ ( ស្រី ១នាក់ ) រងរបួសធ្ងន់ ៦នាក់ ( ស្រី ១នាក់ ) និងរងរបួសស្រាល ៣នាក់ ( ស្រី ១នាក់ ) ។
នៅក្នុងហេតុការណ៍គ្រោះថ្នាក់ចរាចរណ៍ទាំង ៦លើកនេះ បណ្តាលឲ្យខូចខាតយានយន្ត សរុប ចំនួន ៩គ្រឿង រួមមាន ម៉ូតូ ចំនួន ៧គ្រឿង និងរថយន្តធុនតូច ចំនួន ២គ្រឿង ។
ក្នុងរបាយការណ៍ បានឲ្យដឹងថា មូលហេតុដែលបណ្តាលឲ្យកើតមានករណីគ្រោះថ្នាក់ ចរាចរណ៍ រួមមាន ល្មើសល្បឿន ៣លើក ( ស្លាប់ ១នាក់ ) , មិនគោរពសិទ្ធិ ២លើក ( ស្លាប់ ១នាក់ ) , និងមិនប្រកាន់ស្តាំ ១លើក ( ស្លាប់ ១នាក់ ) ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៧នាក់ ( យប់ ៣នាក់ ) ៕
